कोरोना मुक्त भएका उदयपुरका ६ जना जमाती डिस्चार्ज

उदयपुरको एक मस्जिदमा रहेको समयमा कोरोना संक्रमण पुष्टि भएका मध्ये ६ जनाको कोरोना परिक्षणमा रिपोर्ट नेगेटिभ आए पछि डिस्चार्ज गरिएको छ ।
विराटनगरमा उपचार गराइरहेका ६ जना मुस्लिम धर्म प्रचारक जमातीहरुमा कोरोना संक्रमण नेगेटिभ देखिए पछि आज बुधबार उनीहरुलाई डिस्चार्ज गरिएको प्रदेश १ सामाजिक विकाश मन्त्री जीवन घिमिरेले जानकारी दिए । गत ५ र ६ बैशाखमा अस्पताल भर्ना भएका १३ जना मध्ये भारतीय नागरिक ६ जना डिस्चार्ज भएका हुन् ।
उनिहरु अस्पतालमा भर्ना भएको १८ दिनपछि कोरोना मुक्त भएका हुन् । डिस्चार्ज हुने सबैलाई हाल नेपाल–भारत दुवैतर्फ लकडाउन भएकाले उनिहरुलाई तत्काल विराटनगर–१६ रानीको एक मस्जिदमा निर्माण गरिएको क्वारेन्टाइनमा राखिने जनाइएको छ ।
कार्यक्रममा प्रदेश एक प्रमुख, प्रदेश एक सामाजिक बिकास मन्त्री, कोशी प्रादेशिक अस्पताल बिराटनगरका डाक्टर,नर्स भिभिन्न मन्त्रालयका सचिब तथा पत्रकारको उपस्थिति रहेको थियो ।