_1693980289.gif "#")
भारतबाट ढुवानीको खाली गाडीमा गुट्खाको प्लाष्टिकले बेरेर ल्याउँदै गरेको अवस्थामा विराटनगर भन्सारमा एक करोड ७९ लाख भारतीय रुपैयाँ बरामद भएको छ । नोट ल्याउने दुई जनालाई प्रहरीले पक्राउ गरेको छ ।
भारतको सुपौलबाट आएको खाली ट्रकबाट प्रहरीले चेकजाँचको क्रममा मंगलबार एकीकृत भन्सार जाँच चौकी विराटनगर परिसरमा डब्लूबी ७३ ई ७६७५ नम्बरको खाली ट्रक खानतलासी गर्दा रकम बरामद भएको हो । सशस्त्र प्रहरीको टोलीले रु. १ करोड ९ लाख ७९ हजार ५ सय ३० हजार बरामद गरेको हो । रकमसंगै दुई जना भारतीयहरु पनि पक्राउ परेका ाछन् ।
वस्तुको ढुवानीको नाममा ट्रक भारतबाट नेपालतर्फ आउँदै थियो । ट्रकका चालक र सह–चालकलाई पनि नियन्त्रणमा लिएर प्रहरीले अनुसन्धान अगाडि बढाएको जनाएको छ । खाली गाडी भएकोले भारतबाट परीक्षण नभई आएपनि नेपालतर्फ भने चेकजाँच गर्दा बोराभित्र राखेको कार्टुनमा गुट्खाको प्लााष्टिकले बेरेको अवस्थामा भारतीय नोट बरामद भएको हो ।
सशस्त्र प्रहरीको भन्सार गस्ती टोलीले रकम बरामद गरेको विराटनगर भन्सारका प्रमुख शिव भण्डारीले पुष्टी गरेका छन् । विराटनगरका हुण्डी कारोवारीले ल्याएको हुनसक्ने प्रहरीले अनुमान गरेको छ ।
बरामद रकममध्ये ५ सय दरका २१ हजार ९ सय ५५ थान नोट रहेको मोरङ प्रहरीले जनाएको छ । रकम नेपालतर्फ कसले ल्याएको हो भन्ने अनुसन्धान शुरु गरिएको प्रहरीको भनाइ छ ।
