प्रधानमन्त्री केन्द्रित नेकपाको बैठक ४ बजे बस्दै

धरान । पछिल्लो केही घटना र प्रधानमन्त्री केपी ओलीको कार्यशैलीलाइ लिएर पार्टी भित्रै विवाद सिर्जना भइरहेको बेला नेपाल कम्युनिष्ट पार्टी (नेकपा) को सचिवालय बैठक आज बस्दैछ ।

प्रधानमन्त्रीका प्रसे सल्लाहाकार तथा पार्टीका प्रचार विभाग उपप्रमुख समेत रहेका सुर्य थापाका अनुसार सचिवालय बैठक दिउँसो ४ बजेपछि प्रधानमन्त्री निवास बालुवाटारमा बस्दै छ ।

अध्यादेश तथा प्रधानमन्त्री ओलीको कार्यशैलीलाइ लिएर पार्टी भित्रै प्रधानमन्त्रीको राजीनामाको चर्चा चुलिएको छ ।

आज हुने भनिएको सचिवालय बैठकमा पनि नेताहरुले प्रधानमन्त्रीको राजीनामालाई जोड दिने सम्भावना देखिन्छ ।

यसअघि बुधबार बसेको सचिवालय बैठकमा पनि सचिवालयका अधिकांश सदस्यहरुले समस्या समाधान गर्ने उपाय प्रधानमन्त्रीको राजीनामा रहेको धारणा राखेका थिए ।

उता ओलीले आफुले प्रधानमन्त्री पद नछोड्ने छोड्नु परे उपाध्यक्ष बामदेव गौतम प्रधानमन्त्री र वरिष्ठ नेता माधवकुमार नेपाललाई अध्यक्षको प्रस्ताव राखेका थिए ।

यसअघिको बैठक अनौपचारिक छलफल जारी राख्दै फेरी २० गते अर्थात आज बस्ने गरी टुंएिको थियो ।

 आज हुने बैठकमा यही सरकार टिकाउने कि फेर्ने ? भन्ने विषयमा रस्साकसी चल्ने स्थिति देखिएको छ ।