_1693980289.gif "#")
धरान/ धरान १२ मा अवस्थित मेघा हिमालयन कलेजले राष्ट्रिय परीक्षा बोर्डद्वारा प्रकाशित कक्षा १२ को नतिजामा उत्कृष्ट सफलता हासिल गरेको छ।
कलेजले यस वर्ष पनि उत्कृष्ट शैक्षिक नतिजा कायम राख्दै विद्यार्थी, अभिभावक तथा शैक्षिक समुदायको विश्वासलाई थप मजबुत बनाएको जनाएको छ।
कलेजका अनुसार यस वर्ष कक्षा १२ को परीक्षामा १३ जना विद्यार्थीले A+ग्रेड प्राप्त गरेका छन्। जसमध्ये विज्ञान संकायका ९ जना, व्यवस्थापन संकायका ३ जना र होटल म्यानेजमेन्ट संकायका १ जना विद्यार्थी रहेका छन्।
त्यसैगरी १५६ जना विद्यार्थीले A ग्रेड प्राप्त गरेका छन् भने २४१ जना विद्यार्थीले B+ र B ग्रेड हासिल गरेका छन्। संकायगत नतिजातर्फ विज्ञान संकायमा शतप्रतिशत विद्यार्थी उत्तीर्ण भएका छन्। व्यवस्थापन तथा होटल म्यानेजमेन्ट संकायको उत्तीर्ण प्रतिशत ९६.९७ रहेको कलेजले जनाएको छ।
कलेज प्रशासनले उत्कृष्ट नतिजा हासिल गर्नुमा विद्यार्थीहरूको निरन्तर मेहनत, अभिभावकहरूको सहयोग तथा शिक्षक–कर्मचारीहरूको समर्पण मुख्य कारण रहेको जनाएको छ।
साथै आगामी दिनमा पनि गुणस्तरीय शिक्षा प्रदान गर्दै उत्कृष्ट शैक्षिक उपलब्धिलाई निरन्तरता दिने प्रतिबद्धता व्यक्त गरेको छ।
कलेजले गौरवपूर्ण सफलता हासिल गर्ने सम्पूर्ण विद्यार्थी, अभिभावक, शिक्षक तथा कर्मचारीहरूलाई हार्दिक बधाई तथा उज्ज्वल भविष्यको शुभकामना व्यक्त गरेको छ।
