वराहक्षेत्र/ वराहक्षेत्र नगरपालिकाले वडा नं ८ स्थित शुक्रवारे चोक, शिबशक्ति चोक र कुट्टी चोक क्षेत्रमा रहेका पसलहरुमा अनुगमन गरेको छ।
नगरपालिकाले बजार अनुगमनलाइ प्रभाबकारी बनाउने योजना अनुसार नगरपालिकाको अनुगमन टोलिले पसलहरुमा अनुगमन गरेको हो।
उपभोक्ताहरूको अधिकार सुनिश्चितताको लागि बजार अनुगमनलाई प्रभावकारी बनाउने योजना अनुसार नियमित बजार अनुगमन कार्यक्रम अन्तर्गर बजार अनुगमन गरिएको नगरपालिकाका प्रशासन शाखा तथा आर्थिक विकास शाखाका प्रमुख मातृका तिवारीले बताए ।
बिशेषगरि भन्सार छलि गरि ल्याएका सामाग्रीहरु , म्याद नाघेका बस्तु, व्यवसायको दर्ता , नबिकरण लगातयका विषयमा अनुगमन टोली बजार अनुगमनलाई प्रभावकारी बनाउन सक्रिय भएको हो ।
वडा कार्यालय , नगरपालिकाको कार्यलय गर्नु पर्ने दर्ता प्रकृया , राजश्वको छलि, बजारबाट उपभोक्ताहरूले पाउनु पर्ने गुणस्तरीय बस्तु, मूल्यको एकरूपता, कानुनी प्रमाणहरू, ४० माइक्रोन भन्दा कम प्लास्टिकका झोलाको लगायतका बिषयहरुमा पसलहरु अनुगमन गरिएको नगरपालिकाका प्रशासन शाखा तथा आर्थिक विकास शाखाका प्रमुख मातृका तिवारीले बताए ।
अनुगमन टोलीले म्याद नाघेका सामग्री, राजेश्व छलि गरि ल्याएका सामाग्रीहरु नष्ट र म्याद नाघेका सामाग्री बिक्री गर्न राखेका पसललाई सचेतनासंगै म्याद नाघेका सामाग्री नष्ट गरिएको नगरपालिकाका आर्थिक विकास शाखाका प्रमुख मातृका तिवारीले बताए ।
नगर उपप्रमुख नन्दकुमारी सुनुवार नेतृत्वको अनुगमन टोलीमा प्रशासन शाखा तथा आर्थिक विकास शाखाका प्रमुख मातृका तिवारी, उद्योग वाणिज्य सङ्घ वराहक्षेत्रका अध्यक्ष तुसली श्रेष्ठ नगर प्रहरी, पत्रकार लगायतको सहभागिता रहेको थियो।
