_1693980289.gif "#")
वराहक्षेत्र/ बराहक्षेत्र नगरपालिकाले चक्रघटी बजार क्षेत्र सरसफाई कार्यक्रम आयोजना गरेको छ । शुक्रवार विश्व वातावरण दिवसको अवसरमा चक्रघट्टी बजार क्षेत्र सरसफाई गरिएको हो।
स्थानीयहरुलाई सरसफाइ सम्बन्धी सचेतना जगाउदै चक्रघट्टीको नगरपालिका कार्यालय अगाडिबाट मुनाल चौकहुदै इलाका अडाडि , वसपार्क क्षेत्रमा क्षेत्रमा सरसफाई गरिएको नगर प्रमुख रमेश कार्कीले बताए ।
वराहक्षेत्रलाइ सुन्दर , सफा बनाउने नगरपालिको अभियानको रुपमा सप्ताहिक रुपमा सरसफाइ समेत गर्दै आएको र यसलाई थप सफल बनाउन बिश्व वातावरण दिवसको अवसरमा शुक्रवार बिहान वृहत सरसफाइ गरिएको उनले बताए ।
नगर प्रमुख रमेश कार्की संयोजकत्वमा भएको सरसफाई कार्यक्रममा उप-प्रमुख नन्दकुमारी सुनुवार , वडा अध्यक्षहरु लगायत जनप्रतिनिधिहरु, कर्मचारीहरु , इलाका प्रहरी कार्यालयको टोली, उद्योग वाणिज्य संघ वराहक्षेत्रका पदाधिकारीहरु , नगर प्रहरी, विभिन्न संघ र संस्थाका प्रतिनिधिहरु को उल्लेखनिय रुपमा सहभागिता रहेको थियो ।
