_1693980289.gif "#")
झापा/ झापाको बिर्तामोड नगरपालिका–८ कटहरबारीस्थित सडक छेउबाट भन्सार छलि नेपाल भित्र्याइएका लाखौँ रुपैयाँ बराबरका कपडा बेवारिसे अवस्थामा प्रहरीले बरामद गरेको छ।
नेपाल प्रहरी अन्तर्गत इलाका प्रहरी कार्यालय अनारमनीबाट खटिएको प्रहरी टोलीले मिति २०८३ जेठ ११ गते दिउँसो करिब २ बजे उक्त स्थानमा शंकास्पद रूपमा छाडिएका कपडाहरू फेला पारी नियन्त्रणमा लिएको हो।
बरामद सामग्रीमा १ हजार थान सेतो सेन्डो भेष्ट, ३७ थान एडिडास हाफपेन्ट, ६ थान धारी हाफपेन्ट, २९ थान सादा हाफपेन्ट, १४ थान जिन्स पेन्ट, ३६ थान कटन पेन्ट, २७ थान साडी, ७१ थान बक्सर हाफपेन्ट, ३२४ थान पेन्टी तथा ११ थान सर्ट रहेका छन्।
प्रहरीका अनुसार बरामद गरिएका कपडाको अनुमानित मूल्य रु। २ लाख ५९ हजार ९ सय रहेको छ। घटनाबारे थप अनुसन्धान भइरहेको प्रहरीले जनाएको छ।
