धरान/धरान–१५ बगरकोटमा गत वैशाख २८ गते साँझ भएको झैँ–झगडाका क्रममा बोतल प्रहारबाट गम्भीर घाइते भएकी ४९ वर्षीया सरु नेम्वाङ को उपचारका क्रममा शुक्रबार मृत्यु भएको छ।
नेम्वाङको मृत्यु भएसँगै प्रहरीले घटनामा संलग्न रहेको आरोपमा धरान–१५ कै ३८ वर्षीय अशोक लिम्बू र ३३ वर्षीय बुद्धवीर लिम्बू लाई पक्राउ गरेको छ।
पक्राउ परेका दुवैविरुद्ध कर्तव्य ज्यान उद्योग अन्तर्गत प्रक्रिया अगाडि बढाइएको इलाका प्रहरी कार्यालय धरान का भिषणबाबु राई ले जानकारी दिएका छन्।
डीएसपी राईका अनुसार यसअघि ज्यान मार्ने उद्योग अन्तर्गत दर्ता भएको मुद्दा नेम्वाङको मृत्यु भएपछि कर्तव्य ज्यान उद्योग मा रूपान्तरण गरिएको हो।
प्रहरीको प्रारम्भिक अनुसन्धानअनुसार अत्यधिक मादक पदार्थ सेवन गरेका महिलाहरूबीचको आपसी विवादले झगडाको रूप लिएको खुलेको छ।
हाल पक्राउ परेका दुवैलाई प्रहरी नियन्त्रणमा राखी घटनाबारे थप अनुसन्धान भइरहेको प्रहरीले जनाएको छ।
