धरान/ इटहरी–६ मा अवस्थित मोडर्न प्रिपेरेटोरी सेकेण्डरी स्कुलमा आयोजित विद्यार्थी परिषद् निर्वाचन–२०८३ को मतगणना सम्पन्न भएसँगै विभिन्न पदका विजयी उम्मेदवारहरूको आधिकारिक घोषणा गरिएको छ। मंगलबार जेठ ५ गते सम्पन्न मतदानपछि (बुधबार) जेठ ६ गते मतगणना गरी नतिजा सार्वजनिक गरिएको हो।
निर्वाचनको नतिजाअनुसार मीनाक्षी अधिकारी स्कूल क्याप्टेनमा निर्वाचित भएकी छन् भने प्रशिका निरौला स्कूल सह–क्याप्टेन (छात्रा) र काशिन्द्र यादव स्कूल सह–क्याप्टेन (छात्र) मा विजयी भएका छन्।
त्यस्तै हाउस क्याप्टेनतर्फ अंशुमन भण्डारी (सगरमाथा), संयम कुमार चौधरी (लालीगुराँस), एन्जल पुरी (बुद्ध) र प्रोनित चौधरी (कर्णाली) निर्वाचित भएका छन्।
क्लब प्रेसिडेन्टतर्फ दृष्टि सिग्देल (आर्ट एण्ड लिटरेचर), प्रज्ञान ढुंगाना (ट्राभल एण्ड टुरिजम), निर्मेश चौधरी (इन्भिरोनमेन्ट एण्ड स्यानिटेसन) र युना लाबर (सोसल वेलफेयर) विजयी बनेका छन्।
विद्यालयले हाउस सह–क्याप्टेन तथा क्लब सदस्यहरू समानुपातिक पद्धतिबाट मनोनयन गरिने जनाएको छ।
कार्यक्रममा विद्यालयका प्राचार्य पद्मराज सापकोटाले विजयी उम्मेदवारहरूलाई अबिर लगाएर सम्मान गरेका थिए भने प्रमुख निर्वाचन आयुक्त छवि रमण भण्डारीले नतिजा आधिकारिक रूपमा घोषणा गरेका थिए।
सह–प्राचार्य रमेश प्रसाद निरौलाका अनुसार विजयी उम्मेदवारहरूको सपथ ग्रहण, पदभार ग्रहण तथा प्रमाणपत्र वितरण कार्यक्रम जेठ ७ गते (आज)आयोजना गरिने बताएका छन् ।
विद्यालयमा हाल नर्सरीदेखि कक्षा १० सम्म अध्यापन हुँदै आएको छ। नयाँ शैक्षिक सत्रसँगै आयोजित निर्वाचनमा कक्षा ४ देखि १० सम्मका विद्यार्थीहरूले उत्साहजनक रूपमा आफ्नो मताधिकार प्रयोग गरेका थिए।
