धरान/ नेकपा एमाले धरानले अव्यवस्थित, भूमिहीन तथा सुकुम्बासीको पक्षमा आगामी जेठ ९ गते शनिबार धरानमा शान्तिपूर्ण प्रदर्शन गर्ने भएको छ।
अव्यवस्थित, भूमिहीन तथा सुकुम्बासी संघर्ष समिति को आयोजनामा हुने उक्त प्रदर्शन दिउँसो १ बजे छाताचौकमा भेला भएर भानुचौकमा कोणसभामा परिणत हुने जनाइएको छ। नेकपा एमाले धरानद्वारा गठित संघर्ष समितिको नेतृत्वमा हुने आन्दोलन शान्तिपूर्ण रहने बताइएको छ।
नेकपा एमाले धरानका उपाध्यक्ष पारस काङमाङ राई ले सुकुम्बासीको हक–अधिकार सुनिश्चित गर्न प्रदर्शनको निर्णय गरिएको जानकारी दिएका छन्।
संघर्ष समितिका संयोजक चन्द्र भुजेल का अनुसार कार्यक्रममा विभिन्न सुकुम्बासी संघ–संस्था, अव्यवस्थित बसोबासी तथा राजनीतिक दलसँग आबद्ध व्यक्तिहरूको समेत सहभागिता रहनेछ।
समितिमा उपसंयोजक राजेश राई र सचिव टिकाराम बिक सहित १३ सदस्यीय टोली सक्रिय रहेको जनाएको छ।
