धरान/ सुनसरीको धरान–११ नगरकोट क्षेत्रमा लागूऔषध कारोबार भइरहेको गोप्य सूचनाका आधारमा प्रहरीले एक युवकलाई ब्राउन सुगरसहित नियन्त्रणमा लिएको छ।
मिति २०८३ साल वैशाख १५ गते साँझ ४:३० बजे इलाका प्रहरी कार्यालय धरान र अस्थायी प्रहरी पोष्ट जोरसखुवाबाट खटिएको संयुक्त टोलीले स्थानीय ३२ वर्षीय सन्देश लिम्बुको कोठामा खानतलासी गर्दा १.४५ ग्राम ब्राउन सुगर फेला पारेको हो।
प्रहरीले उक्त लागूऔषधसहित लिम्बुलाई नियन्त्रणमा लिई थप अनुसन्धानका लागि इलाका प्रहरी कार्यालय धरानमा राखेको जनाएको छ।
घटनाबारे थप अनुसन्धान जारी रहेको प्रहरीले जनाएको छ।
