_1693980289.gif "#")
-साङ्केतिक तस्बिर
धरान/सुनसरीको धरान उपमहानगरपालिका–१३ स्थित लक्ष्मी सडकमा रहेको मण्डला क्याफेबाट अनलाइन जुवा खेल्दै र खेलाउँदै गरेका १० जनालाई प्रहरीले पक्राउ गरेको छ।
इलाका प्रहरी कार्यालय धरानका अनुसार मिति २०८३ साल बैशाख १४ गते राति करिब १०:३० बजे गोप्य सूचनाका आधारमा खटिएको प्रहरी टोलीले ‘1Xbet’ मार्फत अनलाइन जुवा सञ्चालन भइरहेको अवस्थामा उनीहरूलाई नियन्त्रणमा लिएको हो।
प्रहरी निरीक्षक राधाकृष्ण दाहालको कमाण्डमा खटिएको टोलीसँगै कोशी प्रदेश प्रहरी कार्यालय विराटनगरबाट खटिएको PIT टोलीले संयुक्त रूपमा अपरेसन गरेको थियो।
पक्राउ पर्नेहरूमा धरानका विभिन्न वडाका ३१ वर्षीय प्रज्वल राई, ४६ वर्षीय हेमन राई, २७ वर्षीय योगेश लिम्बु, २९ वर्षीय मिलन लिम्बु, ३१ वर्षीय शुसान्त घिमिरे, ४२ वर्षीय कुमार तामाङ, ४० वर्षीय विवेक थापा, ३३ वर्षीय सुजित साह, ४१ वर्षीय अशोक लिम्बु र ३५ वर्षीय भवानी दाहाल रहेका छन्।
उक्त स्थानबाट प्रहरीले विभिन्न कम्पनीका १५ थान मोबाइल समेत बरामद गरेको जनाएको छ।
घटनाबारे थप अनुसन्धान भइरहेको इलाका प्रहरी कार्यालय धरानले जनाएको छ।
