_1693980289.gif "#")
धरान/कोशी प्रदेशकै चर्चित प्रतिभा खोज प्रतियोगिता ‘एसइई आइडल’को छैटौं संस्करण (भोलि) शनिबारदेखि औपचारिक रूपमा सुरु हुँदैछ।
‘शिक्षाका लागि सङ्गीत’ भन्ने मूल नारासहित फक्ताङलुङ मिडिया हाउस प्रा.लि. ले आयोजना गर्दै आएको यस प्रतियोगिताको अडिसन पनि भाेलिबाट सुरु गरिनेछ।
आयोजकका अध्यक्ष डम्बरकुमार तुम्बापो का अनुसार यस वर्ष प्रतियोगिता अझ भव्य बनाइएको छ। गायन, नृत्य र वाककला विधाका विजेताले नगद १ लाख रुपैयाँ प्राप्त गर्नेछन्।
यससँगै विजेताले प्लस टु अध्ययनका लागि २ देखि ४ लाखसम्मको छात्रवृत्ति, वारिष्टा तालिममा ९० प्रतिशत छुट, गिफ्ट ह्याम्पर तथा मुस्ताङ र सिक्किम भ्रमणको अवसर पनि पाउनेछन्।
कार्यक्रम संयोजक रामबहादुर लिम्बू का अनुसार फस्ट रनरअपले ३० हजार र सेकेन्ड रनरअपले २० हजार नगदसहित छात्रवृत्ति प्राप्त गर्नेछन् भने शीर्ष १० फाइनलिस्टलाई पनि १००% प्रतिशत छात्रवृत्ति प्रदान गरिनेछ।
यस वर्ष कोशी प्रदेशका १४ जिल्लामा अडिसन गरिनेछ र हालसम्म १६ सयभन्दा बढी विद्यार्थीले आवेदन दिइसकेका छन्। अडिसन फिजिकल र डिजिटल दुवै माध्यमबाट सञ्चालन हुनेछ।
आयोजकका अनुसार फारमदेखि तालिमसम्म सबै प्रक्रिया निःशुल्क गरिएको छ, जसले विद्यार्थीलाई आफ्नो प्रतिभा देखाउन थप सहज बनाएको छ।
