धरान/ सुनसरीको धरानमा लागूऔषध विरुद्ध प्रहरीले चलाएको सक्रिय अभियान अन्तर्गत दुई भारतीय नागरिक ब्राउन सुगरसहित पक्राउ परेका छन्।
मिति २०८२ चैत १५ गते दिउँसो करिब १२:३० बजे वडा प्रहरी कार्यालय धरान र कोशी प्रदेश प्रहरी कार्यालय बाट संयुक्त रूपमा खटिएको टोलीले धरान–९ देवकोटा पथमा मोटरसाइकल चेकजाँच गर्ने क्रममा भारत बिहार सुपौल जिल्लाका २३ वर्षीय आदित्य सागरलाई नियन्त्रणमा लिएको हो।
उनको साथबाट २।९४ ग्राम ब्राउन सुगर बरामद भएपछि थप अनुसन्धानका क्रममा प्रहरीले उनको बयानकै आधारमा धरान–१८ बुद्ध चौकस्थित कान्तिपुर गेष्ट हाउसमा पुगेको थियो। त्यहाँ बसेका अर्का भारतीय नागरिक, सुपौल जिल्लाकै २६ वर्षीय राजकुमार यादवको साथबाट १०।२३ ग्राम ब्राउन सुगर फेला परेको प्रहरीले जनाएको छ।
प्रहरीले दुवैजनालाई लागूऔषध र प्रयोग भएको को ३४ प १११४ नम्बरको मोटरसाइकलसहित नियन्त्रणमा लिई इलाका प्रहरी कार्यालय धरान मा राखेर थप अनुसन्धान अघि बढाएको जनाएको छ।
