सुनसरी/ जिल्लाको इनरुवा नगरपालिका–४ बसचोकमा प्रहरीले लागूऔषधसहित दुई युवकलाई पक्राउ गरेको छ।
मिति २०८२ चैत ९ गते साँझ ६:१० बजे जिल्ला प्रहरी कार्यालय सुनसरी र अस्थायी प्रहरी पोष्ट इनरुवा बसपार्कबाट खटिएको संयुक्त टोलीले पश्चिमबाट पूर्वतर्फ आउँदै गरेको प्र.१-०२-०४९ प ५७०२ नम्बरको स्कुटरलाई रोकी चेकजाँच गरेको थियो।
चेकजाँचका क्रममा स्कुटर चालक धरान उपमहानगरपालिका–६ बस्ने २६ वर्षीय खेमबहादुर देवान लिम्बु र पछाडि सवार सोही स्थानका २७ वर्षीय शौरभ कटुवालमाथि शंका लागेपछि खानतलासी गरिएको थियो।
तलासीका क्रममा खेमबहादुर देवान लिम्बुको साथबाट २.२५ ग्राम ब्राउन सुगर जस्तो देखिने लागूऔषध फेला परेपछि दुवै जनालाई तत्काल नियन्त्रणमा लिइएको प्रहरीले जनाएको छ।
प्रहरीले लागूऔषध र स्कुटरसहित उनीहरुलाई नियन्त्रणमा लिएर जिल्ला प्रहरी कार्यालय सुनसरीमा राखी थप अनुसन्धान अघि बढाएको जनाएको छ।
