इटहरी/ सुनसरीको इटहरी–६ स्थित मोडर्न प्रिपेरेटरी सेकण्डरी बोर्डिङ स्कुलले विद्यार्थी तथा अभिभावकको स्वास्थ्य अवस्थालाई मध्यनजर गर्दै निःशुल्क स्वास्थ्य शिविर आयोजना गर्ने भएको छ।
विद्यालयले आगामी चैत १३ गते, शुक्रबार बिहान १० बजेबाट विद्यालय परिसरमै एकदिने स्वास्थ्य शिविर सञ्चालन गर्न लागेको जनाएको छ।
शिविरमा Birat Medical College Teaching Hospitalका अनुभवी चिकित्सकहरूको टोलीले सेवा प्रदान गर्नेछ।
शिविरमार्फत सहभागीहरूले सामान्य स्वास्थ्य परीक्षण, आँखाको जाँच, रक्तचाप तथा सुगर परीक्षणसँगै आवश्यक स्वास्थ्य परामर्श समेत पाउनेछन्।
विद्यालयले “लक्षण देखिन अघि नै जाँच गरौं, स्वास्थ्य सुरक्षित राखौं” भन्ने सन्देशसहित अभिभावक र विद्यार्थीलाई आफ्नो स्वास्थ्यप्रति सचेत रहन आग्रह गरेको छ।
यस अवसरको अधिकतम लाभ लिन सम्पूर्ण अभिभावक तथा स्थानीयलाई उपस्थित भई निःशुल्क स्वास्थ्य परीक्षण गराउन विद्यालयले अनुरोध गरेको छ
