_1693980289.gif "#")
धरान/धरान–१७ पट्नालीका स्थानीयबासी यतिबेला पूर्व वडाध्यक्ष तथा प्रतिनिधिसभा सदस्यका उम्मेदवार मनोज भट्टराईप्रति खुला समर्थन जनाइरहेका छन्।
नेपाल कम्युनिष्ट पार्टीका तर्फबाट सुनसरी क्षेत्र नं. १ मा उम्मेदवार बनेका भट्टराईले वडाध्यक्ष हुँदा गरेका विकास निर्माणका कामकै आधारमा लोकप्रियता कमाएको स्थानीयहरूको भनाइ छ।
सडक कालोपत्रे, खानेपानीको सहज आपूर्ति, विद्यालयको पूर्वाधार सुधार तथा युवा र खेलकुद क्षेत्रमा गरिएको पहलले पट्नालीको मुहार फेरिएको उनीहरू बताउँछन्।
स्थानीय रामबहादुर श्रेष्ठका अनुसार पहिले बर्खामा हिलो र हिउँदमा धुलोको समस्या भोग्नुपर्थ्यो, तर सडक विस्तारपछि आवतजावत सहज बनेको छ। महिला समूहका प्रतिनिधिहरूले पनि भट्टराईले महिला सशक्तीकरण र सामुदायिक विकासमा भूमिका खेलेको उल्लेख गरेका छन्।
पूर्व शिक्षक हरिप्रसाद पौडेल भन्छन्, “वडामा काम गरेर देखाइसकेका नेताले देशमा पनि राम्रो भूमिका खेल्न सक्छन्।”
स्थानीयहरूका अनुसार सुख–दुःखमा साथ दिने र प्रत्यक्ष रूपमा जनताको समस्या सुन्ने शैलीकै कारण भट्टराईप्रति विश्वास बढेको हो। त्यसैले पट्नालीबासी प्रतिनिधिसभामा उनलाई जिताउन सक्रिय रूपमा लागिपरेका छन्।
