_1693980289.gif "#")
धरान/ श्रम संस्कृति पार्टीका केन्द्रीय अध्यक्ष तथा धरान उपमहानगरपालिकाका नगर प्रमुख हर्कराज राई (हर्क साम्पाङ) ले सुनसरी निर्वाचन क्षेत्र नम्बर १ बाट प्रतिनिधिसभा सदस्यका लागि चुनाव लड्ने घोषणा गरेका छन्।
आगामी फागुन २१ गते हुन गइरहेको प्रतिनिधिसभा निर्वाचनका लागि साम्पाङले सुनसरी–१ बाट उम्मेदवारी दिने स्पष्ट पारेका हुन्। उनले सामाजिक सञ्जाल फेसबुकमार्फत आफ्नो निर्णय सार्वजनिक गर्दै लेखेका छन्,
“म सुनसरी क्षेत्र नम्बर १ बाटै प्रतिनिधिसभाको चुनाव लड्नेछु। जय माटो, जय देश।”
सुनसरी निर्वाचन क्षेत्र नम्बर १ मा धरान उपमहानगरपालिकाका सबै २० वडा, बराहक्षेत्र नगरपालिकाका ५ वडा तथा रामधुनी नगरपालिकाका २ वडा समेटिएका छन्।
उक्त क्षेत्रमा अघिल्लो प्रतिनिधिसभा निर्वाचनमा नेकपा एमालेको समर्थनमा जनता समाजवादी पार्टी (जसपा) का अशोककुमार राई निर्वाचित भएका थिए।
धरानमा वैकल्पिक राजनीतिक धारको प्रतिनिधित्व गर्दै आएका साम्पाङको उम्मेदवारी घोषणासँगै सुनसरी–१ को राजनीतिक प्रतिस्पर्धा थप चर्किने संकेत देखिएको छ।
