धरान/ श्री विश्वकर्मा कल्याण सेवा समितिको अध्यक्षमा घमानसिंह बराइली निर्वाचित भएका छन्।
सोमबार धरान–१० स्थित सैनिक भवनमा सम्पन्न समितिको १२ औँ अधिवेशनमा निवर्तमान महासचिव समेत रहेका बराइलीले अध्यक्षमा उम्मेदवार दिएका निवर्तमान सचिव सन्दीप शंकरलाई पराजित गर्दै अध्यक्षमा निर्वाचित भएका हुन्।
निर्वाचन मण्डलका अधिकृत डिबी शाहशंकरका अनुसार बराइलीले ६५ मत प्राप्त गर्दा उनका प्रतिस्पर्धी शंकरले ५५ मत प्राप्त गरेका थिए।
अध्यक्ष बाहेक अन्य पदाधिकारीहरू भने सहमतिमै चयन भएका छन्। उपाध्यक्षमा मिरा बराइली, महासचिवमा वलिन्द्र बराइली, कोषाध्यक्षमा ललन जनकर्मी तथा सचिवमा कला शंकर चयन भएका छन्।
त्यसैगरी, सदस्यहरूमा ज्ञानबहादुर लामिछाने, तेजेन्द्र लामिछाने, खड्ग धमला, रविन ल्वागुन, अन्जेश शंकर र आशबहादुर शंकर चयन भएका छन्।
