_1693980289.gif "#")
बराहक्षेत्र/ बराहक्षेत्र-१ चतरामा रहेको तीर्थनगरी बचत तथा सहकारी संस्थाले आफ्नो नवौ वार्षिक साधारण सभा तथा स्थापना दिवस मनाएको छ ।
सोमबार संस्थाले नवौ वार्षिक साधारण सभा तथा स्थापना दिवस मनाएको हो ।
सभामा संस्थाका अध्यक्ष महेस कुमार ब्रजाचार्यले प्रगति प्रतिवेदन र भाबि योजना , व्यवस्थापक दिपक कार्कीले भावी नीति तथा कार्यक्रम र बजेट प्रस्तुुत र लेखा सुपरिवेक्षण समितिका तर्फबाट संयोजक मुनु थापाले वार्षिक प्रतिवेदन प्रस्तुत गरेका थिए ।
सहकारी संस्थाले ९१ लाख ४४ हजार ७ सय रुपैयाँ सेयर पुँजी बनाउन सफल भएको, आर्थिक वर्ष २०८१/८२ सालको प्रगति विवरण प्रस्तुत गर्दै सहकारी संस्थाले कुल ६ करोड ५७ लाख २५ हजार ९ सय ८२ रुपैयाँ ९८ पैसा निक्षेप रहेको गरेको उल्लेख गरेको छ ।
आर्थिक वर्ष २०८१ /८२ सालको प्रगति विवरण गर्दै व्यवस्थापक दिपक कार्कीले भावी नीति तथा कार्यक्रम र बजेट प्रस्तुतसँगै संस्थाले ३ करोड ३६ लाख ३६ हजार १ सय ९५ रुपैया कर्जा प्रवाह गरेको जानकारी दिएका थिए ।
उनले आव २०८१/८२ को मसान्तसम्मको आर्थिक कारोबार र भावी नीति, कार्यक्रम तथा बजेट प्रस्तुत गरे । उनले सदस्यहरूलाई धितोमा १२ लाख ५० हजार सम्म कर्जा प्रवाह गरिने बताए ।
यस्तै लेखा सुपरिवेक्षण समितिका तर्फबाट संयोजक मुनु थापाले वार्षिक प्रतिवेदन प्रस्तुत गरेका थिए । उनले आन्तरिक लेखा परीक्षण गर्ने क्रममा आव २०८१/८२ सालको संस्थाका वित्तीय गतिविधि तथा कारोबार प्रस्तुत गरे ।
कार्यक्रममा सामाजिक व्यक्तित्व सम्मानतर्फ स्थानिय समाजसेवि कृष्णप्रसाद दाहाल , ज्येष्ठ सेयर सदस्य सम्मान (पुरुष) तर्फ तिलक बहादुर दमाई , ज्येष्ठ सेयर सदस्य सम्मान (महिला) तर्फ सानुमाया बस्नेत , उत्कृष्ट निक्षेपकर्ता (पुरुष) तर्फ श्रवण कुमार साह , उत्कृष्ट निक्षेप कर्ता (महिला) तर्फ गीता राई, उत्कृष्ट कर्जा कारोबार गर्ने शेयर सदस्य (पुरुष) तर्फ दिपक घिमिरे , उत्कृष्ट कर्जा कारोबार गर्ने सेयर सदस्य (महिला) तर्फ सिता राई नगद सहित सम्मान गरिएको थियो ।
अध्यक्ष महेस कुमार ब्रजाचार्यको सभाध्यक्षतामा भएको कार्यक्रममा संस्थामा संस्थापक अध्यक्ष गोबिन्द मगरको प्रमुख आतिथ्यता रहेको थिए ।
कार्यक्रमको संचालक संस्थाका व्यवस्थापक दिपक कार्की तथा स्वागत् मनत्वय उपाध्यक्ष सुशिला शेर्पाले गरेकी थिईन् ।
