_1693980289.gif "#")
धरान/ सुनसरीकाे धरान–८ साम्पाङ चोकमा सीजी मोटर्सको आधिकारिक विक्रेता कार्यविनायक ट्रेडिङले ईभी चारपांग्रे शोरुम र चार्जिङ स्टेशन सञ्चालनमा ल्याएको छ।
नेपालमा लोडसेडिङ हटेपछि विद्युतीय सवारी साधनप्रति मानिसको चासो बढ्दै गएको छ।
नयाँ शोरुममा यात्रु र कमर्सियल दुवै प्रयोजनका विद्युतीय गाडीहरू उपलब्ध छन्।
ग्राहकले यहाँ गाडी हेर्नु, आवश्यक जानकारी लिनु, परामर्श पाउनुका साथै चार्जिङ सेवा पनि लिन सक्नेछन्।
शोरुम उद्घाटन सीजी ग्रुपका असिस्टेन्ट म्यानेजर विजय थापा, डेपुटी म्यानेजर शिशिर सुवेदी, सिनियर म्यानेजर प्रतिमा अधिकारी तथा सुनसरी उद्योग वाणिज्य संघका पूर्व अध्यक्ष सरोज श्रेष्ठको प्रमुख आतिथ्यतामा सम्पन्न भएको थियो।
कार्यक्रममा विभिन्न क्षेत्रका उद्योगी–व्यवसायी, स्थानीय व्यापारी तथा सर्वसाधारणको उल्लेख्य उपस्थिति रहेको थियो।
शोरुम सञ्चालक साहिल श्रेष्ठका अनुसार धरान र वरपरका क्षेत्रमा ईभी प्रयोगकर्ताको संख्या बढिरहेकाले सेवा सहज बनाउने उद्देश्यले शोरुमसँगै चार्जिङ स्टेशन सञ्चालनमा ल्याइएको हो। “अब धरानमै बसेर विश्वसनीय विद्युतीय गाडी र सेवा पाउन सकिन्छ,” उनले बताए।
उद्घाटन अवसरमा कमर्सियल चारपांग्रे विद्युतीय गाडीहरूको विशेष प्रदर्शनीसमेत गरिएको थियो। सहभागीहरूले विभिन्न सिट क्षमताका गाडी, मोडल, प्रयोग, खर्च र चार्जिङ सम्बन्धी जानकारी प्रत्यक्ष रूपमा लिएका थिए।
कार्यविनायक ट्रेडिङले धरानलाई केन्द्र बनाएर पूर्वी नेपालमा विद्युतीय सवारीको पहुँच विस्तार गर्दै जाने जनाएको छ।
