धरान/ धरान उपमहानगरपालिका–११ मंगलबारे चोक नजिकै लागुऔषध कारोबार भइरहेको गोप्य सूचनाका आधारमा प्रहरीले गरेको छापामारीमा एक महिला लागू औषधसहित पक्राउ परेकी छन्।
बुधबार राति करिब २१:४० बजे अस्थायी प्रहरी चौकी रेल्वेबाट खटिएको टोलीले पदम भुजेलको घरमा डेरा गरी बसेकी २४ वर्षीया रोशनी तामाङको कोठामा चेकजाँच गर्दा ट्रामाडोल १५० क्याप्सुल र स्पास्पेन १६५ ट्याब्लेट फेला पारेको प्रहरीले जनाएको छ।
घरमै लुकाइ–छिपाइ राखिएको अवस्थामा बरामद गरिएको उक्त औषधीसहित तामाङलाई नियन्त्रणमा लिएर इलाका प्रहरी कार्यालय धरानमा बुझाइएको र घटनाबारे थप अनुसन्धान भइरहेको प्रहरीले बताएको छ।
