धरान/ फङ्क फ्युजन डान्स एकेडेमीको आयोजनामा धरान स्कुल डान्सिङ स्टार सिजन–३ को अडिसन चरण सुरु भएको छ।
विद्यार्थीहरूको नृत्य प्रतिभा उजागर गर्ने उद्देश्यले प्रारम्भ गरिएको अडिसन राउन्डमा कोरियोग्राफर संजय तामाङले निर्णायकको भूमिका निर्वाह गरिरहेका छन्।
डान्स एकेडेमीले धरानभरि रहेका केहि स्कुलहरूमा अडिसन सम्पन्न गरिसकेको छ। प्रतियोगिता चार चरणमा सम्पन्न गरिने एकेडेमीका सञ्चालक सागर राईले जनाएको छन् ।
जसमा अडिसन राउन्ड, कल्चर राउन्ड, मोडर्न राउन्ड र फाइनल हुनेछ । प्रत्येक चरणबाट उत्कृष्ट प्रतियोगीहरू छानिँदै जाने सञ्चालक राईले बताए ।
विजेताले रु. २० हजार नगद पुरस्कार सहित ट्रफी र मेडल प्राप्त गर्नेछन्। त्यस्तै दोस्रोलाई रु. १५ हजार र तेस्रोलाई रु. १० हजार सहित ट्रफी र मेडल प्रदान गरिने छ।
कार्यक्रमले स्थानीय तहका विद्यालयहरूका विद्यार्थीहरूलाई मंच प्रदान गर्दै नृत्य क्षेत्रमा भविष्य निर्माण गर्ने अवसर उपलब्ध गराउने अपेक्षा राखिएको छ।
आयोजक फङ्क फ्युजन डान्स एकेडेमीको अनुसार यस किसिमका प्रतियोगिताले बालबालिकाको सिर्जनात्मकता र आत्मविश्वास अभिवृद्धिमा महत्वपूर्ण भूमिका खेल्नेछ।
