_1693980289.gif "#")
धरान/ उधौली पर्वको उल्लाससहित पाँच दिने चासोक तङ्नाम साँस्कृतिक महोत्सव आजदेखि धरानमा भव्य रूपमा सुरु गरिएको छ ।
किरात याक्थुङ चुम्लुङ धरान उपमहानगर कार्यसमितिको नेतृत्वमा सुरु भएको यस महोत्सवले किरात समुदायको मौलिक संस्कृति झनै उजागर गर्ने अपेक्षा गरिएको छ ।
उत्सव पहिलो दिन चासोक पूजा, हाङ्युक्ना सरसफाइ अभियान तथा तीनकुनेस्थित वीर योद्धा सिरिजंगाको सालिकमा माल्यार्पण गरी प्रारम्भ गरिएको हो । आज साँझ तङ्सिङ अनुष्ठान सम्पन्न गरिने जानकारी चुम्लुङका अध्यक्ष तीर्थराज मादेम्बाले दिएका छन् ।
औपचारिक उद्घाटन भने भोली (शुक्रबार) हुने भएको छ । उद्घाटनसँगै विविध सांस्कृतिक प्रस्तुति, केलाङ नाच, याक्थुङजन्य खेलकुद तथा प्रत्येक साँझ विशिष्ट कलाकारहरूको सांगीतिक कार्यक्रमसमेत आयोजना गरिनेछ ।
उधौली पर्वको महत्त्वसँगै सुरु भएको चासोक तङ्नाम महोत्सवले धरानमा सांस्कृतिक उत्सवको रौनक थपेको आयोजकले जनाएको छ ।
