_1693980289.gif "#")
सुनसरी/ सुनसरीको रामधुनी नगरपालिका–१ स्थित पश्चिम बस स्टेसन क्षेत्रमा लागूऔषध ओसारपसार भइरहेको गोप्य सूचनाको आधारमा खटिएको संयुक्त प्रहरी टोलीले ठूलो परिमाणको ब्राउन सुगरसहित चार जनालाई पक्राउ गरेको छ।
लागूऔषध नियन्त्रण व्युरो विराटनगर र इलाका प्रहरी कार्यालय पकलीको संयुक्त टोलीले मंगलबार दिउँसो १ बजे शंकास्पद रूपमा आपसमा कुरा गर्दै रहेका चार जनामाथि चेकजाँच गर्दा एक जनाको साथबाट ब्राउन सुगर १४१.४६० ग्राम लागूऔषध फेला पारिएको हो।
प्रहरीले नियन्त्रणमा लिएका व्यक्तिहरूमा कोशी गाउँपालिका–५ का ३६ वर्षीय साहबुदिन आलम, इटहरी उपमहानगर–१८ का २० वर्षीय मोहमद साबिर, वर्ष २४ का रहमत अली र वर्ष २४ कै मोहमद असलम रहेका छन्।
जाँचका क्रममा मोहमद असलमको झोलाबाट अवैध ब्राउन सुगर बरामद भएपछि सबैलाई नियन्त्रणमा लिएर आवश्यक कानुनी प्रक्रिया थालिएको प्रहरीले जनाएको छ।
पक्राउ परेकाहरूलाई इलाका प्रहरी कार्यालय पकली, सुनसरीमा राखी लागूऔषध कारोबारमा उनीहरूको संलग्नता लगायतका विषयमा थप अनुसन्धान भइरहेको प्रहरीले जनाएको छ।
