धरान/ सुनसरीको धरानमा आगामी साउन ३१ गते ‘कोरा राइड साइकलिङ च्यालेन्ज’ हुने भएको छ।
नेपालमा सन् २०११ मा काठमाडौंबाट सुरुआत भएको यो च्यारिटी राइड धरानमा सन् २०१७ देखि हरेक वर्ष मनाइँदै आएको हो।
पेडलर्स धरानको आयोजनामा हुने यस वर्षको प्रतियोगितामा देशका विभिन्न शहरबाट २०० भन्दा बढी राइडर्स सहभागी हुने पेडलर्स धरानका अध्यक्ष किशन मास्केले बुधबारको पत्रकार सम्मेलनमा जानकारी दिए।
उनका अनुसार धरान–२ भानुचोकबाट सुरु हुने साइकल र्याली विभिन्न धार्मिक तथा पर्यटकीय स्थलका चेकपोइन्ट हुँदै ३२ किलोमिटर दूरी तय गरेर धरान–१७ साकेला पार्कमा सम्पन्न हुनेछ।
कार्यक्रम संयोजक विजय श्रेष्ठका अनुसार यो च्यालेन्जले खेलकुदसँगै नगरको पर्यटन प्रवर्द्धनमा पनि योगदान पुर्याउने छ।
भिडियो:
