-फाईल तस्बिर
धरान/ सुनसरीको रामधुनी नगरपालिकामा मोटरसाइकलले स्कुटरलाई ठक्कर दिँदा एक जनाको मृत्यु भएको छ भने अर्का एक जना घाइते भएका छन्।
जिल्ला प्रहरी कार्यालय सुनसरीका अनुसार बिहीबार साँझ रामधुनी–६ स्थित चतरा–कान्छीचोक सडक खण्डमा स्कुटरलाई ठक्कर दिँदा रामधुनी–५ का ५० वर्षीय गणेश राजधामी गम्भीर घाइते भएका थिए।
उनलाई उपचारका लागि विराटनगरस्थित नोबेल शिक्षण अस्पताल लगिएकोमा शुक्रबार बिहान १ः२५ बजे उपचारकै क्रममा मृत्यु भएको प्रवक्ता डीएसपी योगराज खतिवडाले जानकारी दिए।
दुर्घटना चतराबाट इटहरीतर्फ जाँदै गरेको स्कुटर ९को १४ प ४५८ नम्बर० बाटो क्रस गर्ने क्रममा सोही दिशातर्फ आउँदै गरेको मोटरसाइकल ९को ३७ प ३८९५ नम्बर० ले ठक्कर दिँदा भएको हो।
मोटरसाइकल चालक इटहरी उपमहानगरपालिका–८ का १९ वर्षीय संगम चौधरीसमेत घाइते भएका छन्। उनको विराटनगरको विराट नर्सिङ होममा मध्यम अवस्थामा उपचार भइरहेको प्रहरीले जनाएको छ।
दुर्घटनामा संलग्न स्कुटर र मोटरसाइकललाई प्रहरीले नियन्त्रणमा लिएको छ भने घटनाबारे थप अनुसन्धान भइरहेको जानकारी दिएको छ।
