_1693980289.gif "#")
इनरुवा/ सुनसरीको इनरुवा नगरपालिका–१ मा गाई वा गोरुको खुट्टाजस्तो देखिने वस्तु काटेर फालिएको अवस्थामा फेला परेको छ। (बुधवार)आज बिहान कृषि विकास बैंक नजिकैको सडकमा रहस्यमय ढंगले उक्त खुट्टा देखिएको हो।
स्थानीयवासीले बिहान करिब १० बजेतिर चौपायाको खुट्टा देखेपछि प्रहरीलाई खबर गरेका थिए। प्रहरीले घटनास्थलमा पुगेर प्रारम्भिक अनुसन्धान सुरु गरेको छ।
प्रहरीको प्रारम्भिक अनुमानअनुसार कसैले गाई वा गोरु काटेर खुट्टा फालेको हुनसक्छ भने कतै फालिएको खुट्टा कुकुरले ल्याएर सडकमा छाडेको पनि हुनसक्ने बताएका छन्।
घटनाको यथार्थ पत्ता लगाउन डीएसपी योगराज खतिवडाको नेतृत्वमा पाँच सदस्यीय अनुसन्धान समिति गठन गरिएको सुनसरीका प्रहरी प्रमुख एसपी सुमनकुमार तिम्सिनाले जानकारी दिए।
उनले भने,गाई गोरुको जस्तो देखिने शंकास्पद खुट्टा फेला परेको छ। यो गम्भीर विषय हो, त्यसैले प्रभावकारी अनुसन्धानका लागि समितिले काम थालिसकेको छ।
प्रहरीले उक्त वस्तु चौपाया (जनावर) को खुट्टा हो वा होइन भन्ने पुष्टि गर्न प्राविधिक परीक्षणका लागि पठाउने तयारी गरिरहेको जनाएको छ।
साथै, वैज्ञानिक ढंगबाट विश्लेषण गरी घटनाको वास्तविकता सार्वजनिक गरिने पनि प्रहरी स्रोतले बताएको छ।
_Poush 22_1736170149.jpg "#")
_1734253975.jpg "#")
