धरान सहित मुलुकभर ईद उल फित्र सम्पन्न

धरान । धरान सहित ईस्लाम धर्मावलम्बीको चाड ईद (ईद उल फित्र) सोमबार मुलुकभर नमाज पढेर खुसी साटासाट गर्दै मनाइएको छ ।
धरान मुस्लिम एकता समाजले इद उल फित्र , रमजानको अवशरमा बृहत इफ्तार कार्यक्रम गरेको छ । कोशी प्रदेश सरकारका खानेपानी तथा सिचाइ मन्त्री एकराज कार्की को प्रमुख आतिथ्यमा भएको थियो ।

धरान ३ स्थित सरस्वती वाल आश्रममा भएको कार्यक्रममा मुस्लिम समाज , मदरसा तथा मस्जिदको उन्नति तथा हकहितमा योगदान पुर्याको भन्दै मुस्लिम अगुवा शेख युसुफ अलिलार्ई सम्मान गरिएको थियो । समाजका अध्यक्ष फिरोज अलिको अध्यक्षतामा भएको कार्यक्रममा कोशी प्रदेश सदस्य रमेश बस्नेत र बिजय राई तथा डाक्टर खालिद हुसैन लगाएतले रमजानको शुभकामना दिनु भएको थियो । कार्यक्रममा नेपाली काग्रस नगर सभापति श्याम पोख्रले , नेकपा एमाले नगर अध्यक्ष हर्कजङ एभेङ , जसपा धरान अध्यक्ष ताजुव लिम्बु लगाएको उपस्थिती रहेको थियो ।

मुस्लिम समुदायले एक महिनाको ब्रत (रोजा) बस्न तथा दान दक्षिणा दिन सफल भएको खुसियालीमा यो पर्व मनाउने गर्छन् । ‘ईद’ को अर्थ खुसी साटासाट गर्नु हो । मुस्लिम समुदायले बिहानै उठेर नुहाइधुवाइ गरेर खुला स्थान वा नजिकको मस्जितमा गएर नमाज पढ्ने गर्छन् । नमाज पढेपछि परिवारजन तथा साथीभाईसँग भेटघाट गरेर खुसी सटासाट गर्ने प्रचलन रहेको मुस्लिम अगुवाको भनाइ छ ।

ईदमा विशेष नमाज समर्पण गरिसकेपछि आफूभन्दा ठूलाबडाबाट आशीर्वाद लिने र आफूभन्दा सानालाई आशीर्वाद दिने गरिन्छ । यस अवसरमा विभिन्न मिष्टान्न, परिकार खाने र खुवाउने परम्परा रहिआएको छ ।मुस्लिम आयोगको अगुवाइ र धार्मिक संस्थासँगको सहकार्यमा काठमाडौँसहित विभिन्न जिल्लाबाट आइतबार साँझ चन्द्रमा देखिएको एकीन गरिएको र आज सार्वजनिक बिदा दिन सरकारसमक्ष सिफारिस गरिएअनुसार भएको आयोगका कार्यवाहक अध्यक्ष महमदिन अलीले बताए ।

सरकारले ईदका अवसरमा सार्वजनिक बिदा दिँदै आएको छ । सरकारी तथ्याङ्कअनुसार मुलुकमा कुल जनसंख्यायाको पाँच दशमलव नौ प्रतिशत मुस्लिम समुदाय छ । तराई–मधेसका रौतहट, कपिलवस्तु, बारा र बाँके तथा पहाडका गोरखा, अर्घाखाँची र कास्कीलगायत जिल्लामा मुस्लिम समुदायको बाहुल्यता रहेको छ ।