सपिङ कम्प्लेक्स संरक्षणमा नगरपालिकाको हस्तक्षेप वडाबाटै संरक्षण नहुदा भवन जीर्ण बन्दै, लाखौ आमदानी गुम्दै

धरान/ संघीयता कार्यान्वयनसँगै हरेक स्थानीय तहमा वडा तहसम्म अधिकार प्रत्यायोजन गरे पनि धरान उपमहनगरपालिका वडा नं. ३ मा चिनिया चौकमा रहेको वहुउद्धेश्यीय व्यापारिक भवन सपिङ कम्प्लेक्स वडाको मातहतमा नभई उपमहानगरपालिकाले हस्तक्षेप गरेकै कारण त्यहाँबाट हुने करोडौ आम्दानी गुमेको अवस्था छ भने भवनको मर्मत सम्भार नहुदा जीर्ण बन्दै गएको छ ।

धरान उपमहानगरपालिका वडा नं. ३ चिनियाँ चौकको वहुउदेश्यीय व्यापारिक भनव सपिङ कम्प्लेक्स धरान उपमहानगरपालिकाले वडामार्फत सञ्चालन नगर्दा भवन मर्मत सम्हार हुन नहुदा दिनप्रतिदिन जीर्ण बन्दै गएको छ भने उपमहानगरपालिकाकै हस्तक्षेपका कारण आम्दानी समेत गुमेको छ ।

२९ बर्ष अगाडि निर्माण भएको भवनलाई निर्वाचित भएर आएदेखि नै व्यवस्थित गर्नुपर्छ भन्ने भन्ने अवाज ३ नं. वडाले उठाउँदै आएको थियो । भवनको छत चुहिने हुदा वडा कार्यालयले यस विषयमा पटक पटक कार्यपालिकामा कुरा उठाउँदा ट्रष्ट लगाउने काम भयो । अहिले उपमहानगरपालिकाले भाडा वापत बार्षिक १८ लाख रुपैया उठाउँदै आएको छ ।

तर वडाले २२ लाख उठाउने दाबी गर्दै आएको छ । वडाको मातहतमा सबै जिम्मा दिए धरानको गहनाको रुपमा रहेको सपिङ कम्प्लेक्सको संरक्षणसँगै आम्दानी समेत बढ्ने वडाध्यक्ष विद्या शाक्य बताछन् ।

विगतमा स्थानीय सरकार नहुदा कर्मचारीहरुले उपमहनगरपालिका सञ्चालन गर्दादेखि जनप्रतिनिधि निर्वाचित भएर आएपनि यो भवनको संरक्षणमा ध्यान नदिँदा र वडाको सम्पत्ति वडालाई संरक्षण गर्न नदिँदा भवन लथालिंग बन्दै गएको हो भने आम्दानी समेत गुम्दै गएको हो ।

यो भवन २०५२ साल असार ३० गते पूर्वप्रधानमन्त्री एवम तत्कालीन प्रतिपक्ष दलका नेता नेकपा एमालेका अध्यक्ष स्व. मनमोहन अधिकारीबाट भवनको उदघाटन भएको थियो । व्यापारिक भवनको परिकल्पना अनुसार निर्माण भएको तीनतले सो भवनबाट अहिले बार्षिक १८ लाख रुपैया भन्दा बढी उपमहानगरपालिकाले आम्दानी गरे पनि जीर्ण भवन निर्माणमा चासो देखाएको पाइदैन ।

अहिले यो भवनभित्र रहेका शौचालय, कोठा, वाल लगायतका संरचना भत्किदै गएका छन् । वडा नं ३ मा रहेको यो भवनको रेखदेख वडालाई दिइएको छैन ।
धरान ३ की वडा सदस्य उषा सुब्बाले जनप्रतिनिधिको भन्दा पनि उपमहानगरपालिकाका कर्मचारीको हालीमुहाल िबढेकोले सपिङ कम्प्लेक्समात्र हैन पालिका तरकारी बजार लगायतमाको संरक्षण गर्नुपर्ने दायित्वमाथि हस्तक्षेप बढेको दाबी गरिन । उनले वडालाई अधिकार दिए पनि वडाको सम्पूर्ण अधिकारमाथि नगरपालिकाले हस्तक्षेप गरेको बताइन् ।

उनले वडा मातहत भवन सञ्चालन गर्ने हो भने अहिले भवनको भाडावापत उठाउँदै आएको आम्दानीलाई बढाउने दाबी गरिन् । यो भवन व्यापारिक प्रयोजनका लागि बनाइए पनि अन्य प्रयोजनका लागि समेत प्रयोग भएको पाइएको छ ।

भवन मर्मत सम्हार गरेर भवनलाई आवश्यकता अनुसार प्रयोग गरेको खण्डमा बार्षिक २५ लाख भन्दा बढी आम्दानी हुने वडाको दाबी छ । यो भवन उपमहानगरपालिकाले समेत ठेक्कामा दिएको थियो । ०७९ को स्थानीय निर्वाचनबाट निर्वाचित भएर आएपछि भने ठेक्का प्रक्रिया रद्ध गरिएको गरिएको थियौ । वडा समितिको कार्यालय पनि यही भवनमा रहेका छ ।

वडा कार्यालयको कोठा चुहिने भएपछि भवन वडाबाटै ट्रष्ट लगाएको थियो । करोडौ लगानी गरेर व्यापारिक भवनको उद्देश्य राखेर निर्माण भएको यो भवन मर्मत सम्हारको पर्खाइमा रहेको छ ।

उपमहानगरपालिकाले यो भवनलाई संरक्षण नगर्ने हो भने नगरपालिकाकाले हस्तक्षेप गर्न नहुने अर्की वडा सदस्य शोभा विश्वकर्मा बताउछिन् । जनप्रतिनिधि आइसकेपछि पनि कर्मचारीकै हालीमुहाली बढेकोले भवनसँगै अन्य भौतिक संरचनाको रेखदेखमा हस्तक्षेप हुनु दुर्भाग्य भएको विश्वकर्मा बताउनुहुन्छ ।

पालिका तरकारी बजार छेउमा रहेको यो भवन जुन उद्देश्यका साथ निर्माण भएको हो त्यो उद्देश्य त पूरा भएको त छैन त्यसमथि संरक्षणको जिम्मा पाउनुपर्ने वडाले जिम्मा नपाउँदा भवनको भौतिक संरचना जीर्ण बन्दै गएको छ भने जति आम्दानी हुनुपर्ने हो त्यो समेत भएको छैन ।

जनप्रतिनिधि निर्वाचित भएर आए पनि कर्मचारीले यस्ता कुरामा हस्तक्षेप गरेका कारण यस्ता धेरै संरचनाहरुको स्तरन्नति हुन सकेको छैन । वडालाई दिएको अधिकार प्रत्यायोजनको ठाडै हस्तक्षेप भएको महसुस जनजप्रतिनिधिहरुले गरेका छन् ।