२५ औं गोधुली रनिङ कप फुटबल ५ नं.वडा सेमिफाइनलमा प्रवेश, ११ नं.वडा बाहिरियो

  • चैत १७, २०८१
  • कोशीपत्र/संवाददाता
alt

धरान/  २५ औं संस्करणको गोधुली रनिङ कप फुटबल प्रतियोगितामा ११ नं.वडालाई पराजित गर्दै ५ नं. वडा सेमिफाइनलमा प्रवेश गरेको छ ।

शनिबार साँझ ७ बजे धरान रंगशालामा भएको खेलमा ११ नं. वडालाई सहज रुपमा पराजित गर्दै ५ नं. वडाले सेमिफाइनलमा १५ नं. वडासँगको भेट पक्का गरेको छ ।

सुरुवातदेखि नै ११ नं.वडालाई दबाबमा राखेको ५ नं.वडाले खेलको चौथो मिनेटमा नै अग्रता लिएको थियो । मिजास आङबुहाङको फ्रिकिक पासमा डिबक्स भित्र अनमार्क रहेका सृजन मगरले उत्कृष्ट हेड गोल गर्दै टोलीलाई अग्रता दिलाएका थिए ।

खेलको ११ औं मिनेटमा नै ५ नं. वडाले अग्रता दोब्बर बनायो । ११ नं. वडाका डिफेन्सले गोल किपरलाई दिएको पासलाई खोसेर ५ नं. वडाका तिलविक्रम लावतीले उत्कृष्ट गोल गरे ।

खेलको ३६ औं मिनेटमा तिलविक्रम लावतीले पुन गोल गर्दै ५ नं. वडाको अग्रता तेब्बर बनाएका थिए । पहिलो हाफमा ३–० ले पछि परेको ११ नं. वडाले दोस्रो हाफमा लयमा फर्कने प्रयास ग¥यो । तर गोल गर्न नसक्दा ११ नं. वडा प्रतियोगिताबाट बाहिरिएको छ । खेलको म्यान अफ द म्याच ५ नं.वडाका मिजार आङबुहाङ घोषित भए । उनलाई नगद २ हजार पुरस्कार प्रदान गरिएको थियो ।

आज आइतबार अन्तिम क्वाटर फाइनलमा धरानको १७ नं. वडा र १८ नं.वडा बीच खेल हुने आयोजकले जानकारी दिएको छ ।

चैत्र २१ गतेसम्म सञ्चालन हुने प्रतियोगितामा धरानका १८ वटा वडा सहभागी छन् ।

प्रतियोगिताको विजेताले १ लाख ५० हजार र उप विजेताले ७५ हजार नगद पुरस्कार प्राप्त गर्नेछन् भने प्रतियोगिताको क्वाटर फाइलनमा पुगेको टिमले स्व। सुवास राई स्मृति सुपर ८ प्रतियोगितामा सहभागी हुने अवसर प्राप्त गर्ने आयोजक गोधुली क्लबका उपाध्यक्ष सतिस केसीले जानकारी दिए ।

सागुरीगढीमा प्राकृति ...

धरान/ कोशी प्रदेशकै पर्यटकीय क्षेत्र सागुरीगढी गाउ ...

ज्ञानेन्द्र शाहलाई श ...

२३८ वर्षे राजतन्त्रको कालो युगलाई समाप्त गर्दै नेपालको ...

स्टार वर्ल्ड धरानम ...

धरान/धरानमा एसईई दिएर बसेका विद्यार्थीहरुको लागि धरानमा ...

कोशी प्रदेश प्रिमियर ...

धरान/कोशी प्रदेश फुटबल संघले गत माघ २८ देखि फागुन ८ गते ...

सम्पर्क

कोशी मिडिया ग्रुप प्रालीद्धारा सञ्चालित

सुनसरी, धरान, नेपाल
पोष्ट बक्स नंः N/A

टेलिफोन

कार्यालय: ०२५-५३१४७७
विज्ञापन: ९८५-२०४७१२३

ई–मेल

[email protected]
[email protected]
[email protected]

फेसबुकमा हामी

सोसल मिडिया

कम्पनी दर्ता नम्बर: २१४८६२/७५/७६ / पान नम्बर: ६०९५३२३८८ / सुचना तथा प्रसारण विभाग: २७-२०७३/०००

अध्यक्ष: शंकरप्रसाद घिमिरे / प्रधान सम्पादक: राजेश बिद्रोही / कार्यकारी सम्पादक: रणध्वज लोहार / प्रबन्ध निर्देशक: योगेशबाबु काफ्ले / संबादाता: फणीन्द्र तिम्सिना

Copyright © 2019 / 2025 - Koshipatra.com All rights reserved