पर्यटन प्रोजेक्ट सोकेसको मिति सर्यो,के हो पर्यटन प्रोजेक्ट ?

काठमाडौं ।एलिसन हस्पिटालिटी प्रा.लि.को आयोजनामा नेपालमै पहिलोपल्ट पर्यटनको प्रोजेक्ट बनाएर सोकेस गरिने मिति परिवर्तन गरिएको छ ।
अहिले केही युनिभर्सिटिको परीक्षा रहेको र केहीको परीक्षा सुरु हुन लागेका कारण विद्यार्थीहरुको अनुरोधलाई स्विकार र प्रतिष्पर्धीहरुको सहजतालाई ध्यानमा राखी कार्यक्रमको सोकेस मिति परिवर्तन गरिएको आयोजकले प्रेस विज्ञप्ति प्रकाशन गरी जानकारी दिएको छ ।
इन्जिनियरिङ अध्ययन गरिरहेका विद्यार्थीहरुले कोशी प्रदेशमा गएर स्थलगत अध्ययन गरी सो क्षेत्रको पर्यटनसँग सम्बन्धित प्रोजेक्ट तयार गर्नुपर्ने हुन्छ ।

आयोजकका अनुसार पहिलो चरणमा कोशी प्रदेशको पर्यटन प्रोजेक्ट बैंक तयार गर्न लागिएको हो । आयोजकका अनुसार प्रोजेक्ट बैंक नेपालभरकै तयार गरिने एलिसन हस्पिटालिटी प्रा.लि.की अध्यक्ष एलिना मगरले बताए ।नवप्रवर्तकको प्रवद्र्धन गर्ने उद्देश्यले आयोजना गर्न लागिएको पर्यटन प्रोजेक्ट सोकेस प्रतियोगिताको प्रदर्शनी २०८२ वैशाख १५ देखि १७ सम्म गर्ने तय भएकोमा सो मितिलाई संशोधन गरी २०८२ जेष्ठ ९ गते देखि ११ गते काठमाडौंस्थित जी रामायणा होटलमा गरिने भएको छ ।

यसैगरी प्रतिष्पर्धामा सामेल हुन चाहने विद्यार्थीहरुका लागि रजिष्ट्रेसन खुल्ला मिति २०८२ वैशाख १६ गतेसम्म रहनेछ । नयाँ फर्म भरेका विद्यार्थीहरुलाई भर्यच्युल ओरियण्टेसन कक्षा २०८२ वैशाख १७ गते गरिनेछ । यसैगरी हालसम्म रजिष्ट्रेसन गरेको टिमलाई यथावत् राखी उनीहरुलाई पहिले तोकिएबमोजिम ओरियण्टेसन कक्षाको आयोजना गरी सकिएको छ ।

सहभागी हुन चाहने विद्यार्थीले कन्सेप्ट पेपर आगामी वैशाख १९ गते सम्म बुझाइसक्नु पर्नेछ । कन्सेप्ट छनौट मिति २०८२ वैशाख २० गते काठमाडौंमा हुनेछ । काठमाडौं बाहिरका विद्यार्थीले भिडियोमार्फत् प्रेजेण्टेसन पठाउनु पर्नेछ । छनौंट प्रक्रिया निष्पक्ष ढंगले निर्णायकबाट गरिने मगरले बताउनु भएको छ । उक्त छनौट प्रक्रियाबाट उत्कृष्ट १० वटा कन्सेप्ट पेपर छनौट गरी प्रतिस्पर्धामा सहभागी गराईनेछ । छनौट भएका १० टिमले कन्सेप्ट पेपरमा तोकिएको स्थलमा गएर स्थलगत अध्ययनपश्चात सो प्रोजेक्टको ड्रयङ्ग, थ्री डी, प्रोजेक्टको डमी, प्रोजेक्ट प्रेजेन्टेशन तयार गर्नु पर्दछ ।

प्रतिस्पर्धात्मक प्रतिभा देखाउने यो अवसर विद्यार्थीहरूलाई आफ्नो रचनात्मक सोच प्रस्तुत गर्न तथा व्यावसायिक रुपमा अगाडि बढ्न प्रेरित गर्नका साथै नेपालको पर्यटन क्षेत्रमा नयाँ आयाम थप्न, नवीन संरचना तथा अवधारणाहरू विकास गर्न, तथा स्थानीय समुदायको उत्थानमा योगदान पु¥याउन यो प्रतियोगिता महत्वपूर्ण हुनका साथै इन्जिनियरिन (सिभिल तथा आर्किटेक्चर) विषयका विद्यार्थीहरूका लागि यो उत्कृष्ट अवसर भएको आयोजकले जनाउनु भएको छ । प्रतिष्पर्धीहरू अनविार्य सिभिल वा आर्किटेक्टको हुनुपर्नेछ साथै उनीहरुले आवश्यकतानुसार टीममा मेंनजमेन्ट वा आइटीका विद्यार्थीलाई पनि सामेल गराउनु सक्ने र प्रतिष्पर्धीको टीममा अधिकतम ५ जना हुनुपर्ने प्रावधान रहेको आयोजकले विज्ञप्तिमा जानकारी गराउनु भएको छ ।

प्रतियोगिताका प्रमुख उद्देश्य नवीन तथा दिगो पर्यटन संरचना तथा योजना विकास गर्ने, स्थानीय सम्पदाको प्रवद्र्धन गर्ने, पर्यटन व्यवसाय प्रवद्र्धनमा नयाँ उपायहरूको खोजी गरी विद्यार्थीहरूलाई व्यावसायिक स्तरमा अवसर प्रदान गर्ने । सो प्रदर्शनीमा लगानीकर्ताहरुलाई अवलोकनका लागि आह्वान गरिनेछ । नवप्रवर्तक विद्यार्थीहरु र लगानीकर्तालाई जोड्नका लागि आयोजकले पुलको कार्य गर्नेछ । यसैगरी सो कार्यक्रममा संघीय सरकार, प्रदेश सरकार, स्थनीय निकाय, योजना आयोग, एनआरन, उद्योग वाणिज्य संघ, लगानी बोर्ड, पर्यटन बोर्ड, बित्तिय संस्था, विद्यार्थी लगायतको उपस्थिति रहनेछ ।
प्रतियोगितामा प्रथम हुने टिमलाई नगद रु.१ लाख, द्वित्तीयलाई नगद रु. ५० हजार, तृतियलाई रु. २५ हजार र सहभागी सम्पूर्ण टिमले रु. १० हजार साथै प्रमाणपत्र, एवं आकर्षक गिफ्ट पाउनेछन् ।सो प्रतियोगीलाई प्राबिधिक सहयोग नेपाल ईन्जिनियर्स एसोसीएसन र सोसाईटी अफ नेपलिज आर्किटेक्टले गर्नेछ ।

साथै इन्जिनियरिङको क्षेत्रमा कार्य गरिरहेको अन्य संस्थाहरुसँग पनि सहकार्यको लागि प्रक्रिया भइरहेको पनि आयोजकले बताउनु भएको छ । यसैगरी कोशी प्रदेश सरकार, उद्योग वाणिज्य संघ यस कार्यक्रमको प्रवद्र्धक रहेको छ । विद्यार्थीहरुले तयार गरेको प्रोजेक्ट काठमाडौंमा ३ दिन प्रदर्शनीपश्चात् कोशी प्रदेशमा पनि प्रोजेक्ट प्रदर्शनी गरिने र सो प्रोजेक्ट कोशी सरकारलाई हस्तान्तरण गरिने अध्यक्ष मगरले बताउनु भयो । जसले गर्दा विद्यार्थीहरुको एक्सपोजर हुनका साथै उनीहरुलाई थप उर्जा प्राप्त हुनेछ ।

कोशीमा प्रदर्शनीको मिति र स्थानको तयारी भइरहेको पनि जानकारी गराउने आयोजकले विज्ञप्तिमार्फत् जनाइएको छ ।यसैगरी यस कार्यक्रमको व्यवस्थापन इटहरीको काफल इभेन्ट्सले गरिरहेको छ ।