मोरङ/ इष्टर्न कलेज अफ इन्जिनियरिङ्गद्वारा आयोजित खेलकुद सप्ताह २०८१ भव्य रूपमा सम्पन्न भएको छ।
प्रतियोगिताको समापन समारोह तथा पुरस्कार वितरण कार्यक्रमका अवसरमा प्रमुख अतिथिका रूपमा नेपाल टेलिकम प्रादेशिक निर्देशनालय, कोशी प्रदेशका प्रबन्धक ई। नारायण प्रसाद काफ्ले उपस्थित थिए।
कार्यक्रमका प्रमुख व्यक्तित्वहरू
कार्यक्रमको अध्यक्षता कलेजका प्रिन्सिपल ई. अमित सुराना ले गरेका थिए भने,
मोरङ जिल्ला फुटबल संघका उपाध्यक्ष तथा युनाइटेड स्पोर्टिङ क्लबका अध्यक्ष श्री सचिन घिमिरे र नेपाल टेलिकम प्रादेशिक निर्देशनालय,
कोशी प्रदेशका वित्तीय विभाग प्रमुख श्री राजेन्द्र दाहाल विशिष्ट अतिथि रहेका थिए।
खेलकुद सप्ताहका प्रमुख खेलहरू
यस वर्षको खेलकुद सप्ताहमा विद्यार्थीबीच फुटबल, क्रिकेट, भलिबल, ब्याडमिन्टन, टेबल टेनिस, चेस, हाजिरी जवाफ, कप स्ट्याकिङ प्रतियोगिता र म्युजिकल चेयर जस्ता विविध प्रतिस्पर्धा सञ्चालन गरियो।
शिक्षक-कर्मचारीको सहभागिता
विद्यार्थीहरूलाई थप उत्साहित गर्न कलेजका शिक्षक तथा कर्मचारीहरूले समेत आ-आफ्नो समूह बनाएर विभिन्न खेलमा सहभागिता जनाएका थिए।
आयोजनाको सफल समापन
खेलकुद सप्ताह २०८१ सिमिल इन्जिनियरिङ आठौँ सेमेस्टरका विद्यार्थी श्री अश्मिक भट्टराई को संयोजकत्वमा सम्पन्न भएको थियो।
अन्य विभिन्न सेमेस्टरका विद्यार्थीहरूको सक्रिय सहभागिताले कार्यक्रमलाई भव्य र सुव्यवस्थित बनायो।
कार्यक्रमको अन्त्यमा प्राचार्य ई. अमित सुरानाले सफल आयोजनामा संलग्न सबैलाई धन्यवाद व्यक्त गर्दै खेलकुदको महत्वबारे प्रेरणादायी मन्तव्य दिएका थिए।
समापन समारोहमा विजयी विद्यार्थीहरूलाई पुरस्कार तथा मायाको चिनो वितरण गर्दै खेलकुद सप्ताह औपचारिक रूपमा सम्पन्न गरिएको थियो।
