धरान/धरान १९ मा सम्पन्न महिला-पुरुष बास्केटबल प्रतियोगितामा महिला तर्फ यलम्वर क्लब र पुरुष तर्फ झुनाज फिटनेसले उपाधि जितेका छन्।
शनिबार भएको फाइनल खेलमा यलम्वर क्लबले रेड डेभिल्स क्लबलाई ३८–२४ को अन्तरले पराजित गर्दै उपाधि चुमेको हो।
पुरुष तर्फ झुनाज फिटनेसले आयोजक युवा जागृति क्लबलाई ६५–५८ को प्रतिस्पर्धात्मक खेलमा हरायो।
फाइनल खेलको स्कोर विवरण:
• महिला तर्फ:
• यलम्वर क्लब vs. रेड डेभिल्स क्लब
• क्वार्टर स्कोर: ४–७, ११–१, ७–५, १६–११
• पुरुष तर्फ:
• झुनाज फिटनेस vs. युवा जागृति क्लब
• क्वार्टर स्कोर: १३–९, १२–१५, २३–११, १७–२३
पुरस्कार राशि तथा एमभीपी घोषणा:
• महिला तर्फ
• विजेता: यलम्वर क्लब (नगद रु. ६,०००, ट्रफी, मेडल र प्रमाणपत्र)
• उपविजेता: रेड डेभिल्स क्लब (नगद रु. ३,०००, ट्रफी, मेडल र प्रमाणपत्र)
• मोस्ट भ्यालुएबल प्लेयर (एमभीपी): निवा चेम्जोङ (यलम्वर क्लब) – १६ अंक
• पुरुष तर्फ
• विजेता: झुनाज फिटनेस (नगद रु. १०,०००, ट्रफी, मेडल र प्रमाणपत्र)
• उपविजेता: युवा जागृति क्लब (नगद रु. ५,०००, ट्रफी, मेडल र प्रमाणपत्र)
• एमभीपी: सर्वोधन राई (झुनाज फिटनेस) – ३२ अंक
प्रतियोगितामा २१ टिमको सहभागिता
फागुन १४ देखि १७ गतेसम्म चलेको प्रतियोगितामा महिला तर्फ ७ टिम र पुरुष तर्फ १४ टिमले सहभागिता जनाएका थिए।
प्रतियोगिताका सम्पूर्ण खेल धरान-१९ स्थित हरियाली सामुदायिक वनको बास्केटबल कोर्टमा सम्पन्न भए।
पुरस्कार वितरण कार्यक्रम:
समापन समारोहमा प्रमुख अतिथि सुनसरी बास्केटबल संघका अध्यक्ष नारायण सुवेदी, प्रतियोगिता संयोजक रञ्जित लिम्बु, पूर्व महिला खेलाडी झुना राई, पूर्व राष्ट्रिय खेलाडी सुदन थापा, पूर्व बास्केटबल खेलाडी प्रशान्त थापा लगायतले पुरस्कार वितरण गरेका थिए।
प्रतियोगिता सुनसरी बास्केटबल संघको प्राविधिक सहयोगमा सम्पन्न भएको थियो।
