_1693980289.gif "#")
सुनसरी/ काठमाडौंमा जारी अन्तर्राष्ट्रिय महिला फुटबल प्रतियोगिताको फाइनल खेल आज साँझ ६ बजे दशरथ रंगशालामा हुँदैछ। उपाधिका लागि घरेलु टोली नेपाल र म्यानमार आमनेसामने हुनेछन्।
दुवै टोली लिग चरणमा अपराजित रहँदै फाइनलमा पुगेका हुन्। नेपाल र म्यानमारले कीर्गिस्तान र लेबननलाई पराजित गर्दै उपाधि यात्रा तय गरेका हुन्।
फाइनल खेलको टिकट मूल्य साधारणतर्फ १ हजार रुपैयाँ र भिआईपीतर्फ २ हजार रुपैयाँ निर्धारण गरिएको छ। खेल सुरु हुनु २ घन्टाअघि नै दर्शकलाई रंगशाला प्रवेश गर्न अखिल नेपाल फुटबल संघ (एन्फा) ले आग्रह गरेको छ।
नेपालले घरेलु मैदानको फाइदा उठाउँदै ऐतिहासिक उपाधि जित्ने लक्ष्य राखेको छ।
समर्थकहरूको व्यापक उपस्थिति र हौसलाले खेलाडीहरूलाई थप ऊर्जा प्रदान गर्ने अपेक्षा गरिएको छ। खेलको प्रत्यक्ष प्रसारण विभिन्न सञ्चार माध्यममार्फत हुनेछ।
नेपाली टोलीलाई सफलताको शुभकामना!
_1734253975.jpg "#")
