_रणध्वज लोहार
धरान/ यो बर्षको तिहारमा सयपत्री फूलको अभाब हुने भएको छ ।
सयपत्री फूल समयमा नै नफुलेकाले फूल बजार सम्म आएको छैन ।गत बर्षहरुमा आज काग तिहारको दिनदेखि नै सयपत्री फुलले बजार फुलमय हुने गरेको थियो ।
तर यो बर्ष भने बजारमा फूल नदेखिएपछि स्वयम् व्यापारीहरु नै अन्यौलमा परेका छन् । गत साल सयपत्री फूल बजारमा फ्याला फ्याल अर्थात सस्तो भएको थियो ।
फूलको अभाब हुने भएपछि यस बर्ष भने सयपत्री फूलको बजार भाउ महंगो हुने संकेत देखिएको कृर्षि उपज बजार धरान १३ का बजार व्यवस्थापक लक्ष्मण भट्टराईले बताए ।
उनले भने,‘यो बर्ष लोकल सयपत्री फूल अहिले सम्म बजारमा आउन सकेको छैन,भारतीय फूल पनि आएको छैन,व्यापारीहरु आफैं पनि अन्यौल देखिएका छन्, किसानले लगाएको फूलले मुल्य पाउने संकेत देखिएको छ,हैरौ भोली सम्म के हुन्छ ?’गत साल लगभग चार लाख भन्दा बढीको फूलका मालाहरु धरानमा खरिद बिक्री भएका थिए ।
तर यसपाली यस्तै रहने हो भने तिहारमा फूलको अभाब हुने र किसानले लगाएको फूलको मुल्य पनि बढ्ने देखिएको छ ।
नेपाल फ्लोरिकल्चर एसोसिएसनले यो बर्षको तिहारमा फूलको अभाब हुने नै बताएको छ ।
अविरल बर्षाले किसानले लगाएको फूल खेतीमा क्षति भएकाले सयपत्री फूलको अभाव खड्किने र मूल्य बढ्ने संकेत भएको बताएको हो ।
अविरल वर्षाका कारण करिब १५ करोडको फूल नोक्सान भएको तथ्यांकले देखाएको छ ।
बजारमा कृतिम मालाहरु मात्रै देखिएका छन् ।
भिडियो :
