धरानमा नालामा आएको बाढीले बगाएर बृद्धको मृत्यु(मान्छे बगाउने नाला कत्रो छ ?) "गत बर्ष पनि चिप्लिएर एक जना गंभीर घाइते भएका थिए"

धरान । धरानमा मंंगलबार (आज) दिउँसोदेखि अविरल बर्षासँगै नालामा आएको बाढीले बगाएर एक बृद्धाको मृत्यु भएको छ ।
अपरान्ह साढे ४ बजे धरान ८ स्थित धनकुटे रोडको सिदार्थ मार्गमा रहेको नालामा आएको बाढीले बगाएर सोही स्थानका ७५ बर्षिय नविनराज राइको मृत्यु छ ।
स्थानीय सुनिल खड्काले दिएको जानकारी अनुसार उक्त नाला स्लाब विहीन भएको र नालामा मान्छे नै बगाउने गरि बाढी आउने भएकाले हिँडडुल गर्नेको ज्यान नै जोखिममा पर्ने गरेको वताइएको छ ।

उनले भने,“उक्त नाला ५ फिट भन्दा गहिरो छ भने नालामाथि स्लाब लगाइएको छैन,धरानको वडा नम्बर ९ र १० सहित पानी त्यहीँ नाला भएर बग्ने गरेको छ तर सार्वजनिक बाटो नै भएपनि सुरक्षित बनाइएको छैन,नालामा भएको रामा अडकिएर मात्रै सव भेटियो,नत्र वेपत्ता हुने थियो ।”

गत साल पनि एक जना मान्छे चिल्एिर गंभीर घाइते बनेका थिए । इलाका प्रहरी कार्यालय धरानक डिएसपीले भएको घट्ना पुष्टि गरेका छन् । कोशी पत्रको टेलिफोन सम्पर्कमा उतm स्थानमा बृद्धको मृत्य भएको बताएका छन् ।

उनले भने,नालामा बृद्धको बगेर मृत्यु भएको हो,तर मृतकले मापसे गरेको प्रारम्भिक अनुसन्धानमा खुलेको छ,विहान मर्निङ वार्कमा निस्किएको वेला लडेर नालाले बगाएको हुन सक्छ । तर नालामा बाढ्री आउँदा आउने दिनमा पनि जोखिम रहेको स्थानीयहरुले वताएका छन् ।

बृद्ध,बालबालिका नालामा परेर मृत्यु हुने जोखिम बढ्दो छ ।