धरान/ एसइई परीक्षामा सुनसरी जिल्लाका टपर हेलेन तुम्बापो स्व.खड्ग बहादुर तुम्बापो स्मृति शैक्षिक पुरस्कारबाट सम्मानित भएका छन् ।
इटहरी निवासी हेम राज तुम्बापोको छोरा तुम्बापोलाई सुनसरी तुम्बापो समाज धरानले नगद १० दश हजार रुपैयाँ सहित सम्मान पत्रले सम्मान गरेको हो ।
विद्यार्थीहरुलाई प्रोत्साहन गर्नको लागि समाजले हरेक वर्ष सम्मान–पत्रद्वारा सम्मान गर्दै आईरहेको समाजका अध्यक्ष हेमराज तुम्बापोले जानकारी दिए ।
तुम्बापो समाज सेवा संघका केन्द्रीय सदस्य कविरमान तुम्बापो प्रमुख अतिथि रहेको उक्त कार्यक्रममा समाजका प्रमुख सल्लाहकार डम्बर कुमार तुम्बापो, बरीष्ठ सल्लाहकार केबेर लाल तुम्बापो,सुनरानी तुम्बापोको उपस्थिति रहेको थियो ।
सस्थापक अध्यक्ष स्व. खड्ग ब. तुम्बापोको स्मृति र सम्मानमा स्व. खड्ग बहादुर तुम्बापो स्मृति शैक्षिक पुरस्कार स्थापना गरेर समाजले हरेक वर्ष विद्यार्थी सम्मान गर्दै आएको छ ।
त्यसैगरि सुनसरी जिल्ला भित्र रहेका तुम्बापो चेलिवेटीहरुलाई सिलाम साक्मा मायाको चिनो हस्तान्तरण गरेर स्वागत सम्मान गरिएको थियो भने सो अवसरमा दशै शुभकामना आदन प्रदान समेत गरिएको थियो।
