_1693980289.gif "#")
धरान/ भोजपुर बहुमुखी क्याम्पस ,भोजपुरमा भाषिक विज्ञ सहितको भाषा सम्पादन समिती गठन गरिएको छ ।
क्याम्पस प्रमुख भुलानाथ राईद्धारा आइतबार जारी विज्ञप्तीमा क्याम्पस प्रशासनको बैठकले दुई सदस्यीय भाषा सम्पादन समिती गठन गर्ने निर्णय गरिएको जनाइएको छ ।
विज्ञप्तीमा जनाइए अनुसार नेपाली भाषाको विज्ञ उपप्रध्यापक बाबुराम ओझा र अंग्रेजी भाषाको विज्ञ उपप्राध्यापक प्रकाश राई छन् ।
विज्ञप्तीमा भनिएको छ“, भाषिक सुद्धताको सुनिश्चितताको विषयमा विज्ञतासँग संवन्धित भएकाले आगामी दिनमा यस क्याम्पसबाट तयार गरिने र प्रकाशन गरिने सबै खालको आधिकारिक कागजातहरुको भाषिक शुद्धताको सुनिश्चितता गर्नको लागि भाषिक समिती गठन गरिएको छ।”
क्याम्पसले २०८१।०८२ को लागि स्नातक तह,चौथो बर्षको सबै कक्षाको पठनपाठन मिति २०८१।०६।०६ गतेदेखि सुरु गर्ने भन्ने बिषयको सुचनामा प्राविधिक कारणले त्रुटि भई सामाजिक सञ्जालमा क्याम्पसकै वेइजत भएको थियो ।
क्याम्पस प्रशासन विज्ञप्ती मार्फत गल्ती भएको स्वीकार गर्दै क्याम्पसको छविलाई उच्च राख्न सवैको साथ सहयोग र सल्लाह आवस्यक रहेको भन्दै आगामी दिनमा भाषिक त्रुटि हुन नदिन गंभीर भएर समिती गठन गरेको विज्ञप्तीमा उल्लेख छ ।
विज्ञप्ती:
