तिम्रो आँगन कसरी जोगिएला ?

काँचको पछाडी लुकेर

अरुको पिडामा रमाउनेहरु

अर्काको घाउ कोट्याई कोट्याई

रमाउँदै अट्टहास लगाउन खोज्नेहरु

तिम्रो शिर माथि बलेको

दियोको उज्यालोले

तिम्रो छाँया त कोर्न सक्ला

तर अध्याँरो कालो चिरेर

उज्यालो ल्याउन त कहाँ सक्ला

चिन्ता तिमी आफ्नो गर

मेरो आँगनमा घोप्टिएको

औंसीको रात झै निष्पट्ट अध्यारोले

तिम्रो आँगन कसरी जोगिएला।।।।।

गिरिराज अधिकारी

धरान