_1693980289.gif "#")
धरान । धरान वडा नं ३ निवासी १४ बर्षीया युजिन शाहीको स्मृतीमा धरान उपमहानगरपालिकाले स्थानीय शोक विदा दिएको छ ।
उपमहानगरपालिकाले ५ लाख रुपैंया नगद युजिनको परिवारलाइ्र्र्र्र प्रदान गर्दै आज(विहीबार ) विद्यालयहरु विदा दिएको शिक्षा महाशाखा प्रमुख गणेश खतिवडाले बताए । नेवारी परम्परामा १० दिनदेखि सुद्धिकार्य पनि हो ।
साँझ ६ बजे कैलाशपथ सिद्रा बजार कर्नरमा दिप प्रज्वलन गर्ने गर्ने कार्यक्रम रहेको पनि रहेको वडा सदस्य मनिष खड्गीले बताए ।
भदौ ११ गते बिहान करिब ११ः४५ बजे सृर्जना शाही र उनकी छोरी युजिन माथि धारिलो हतियार प्रहार भएको थियो । आमा सृर्जना घाइते भएकी थिइन् भने युजिनको उपचारको क्रममा मृत्यु भएको थियो ।
उनी विजयपुर स्कुलमा कक्षा ९ मा अध्ययनरत थिइन् ।उक्त घटनामा संलग्न संखुवासभा नगरपालिका २ चेवावेसीका बबिन बराल पक्राउ परेका छन् । उनी सृर्जनाकी आफ्नै बहिनीका श्रीमान् हुन् । प्रहरीले बरालाई कार्वाही प्रक्रिया अघि बढाइएको जनाएको छ ।
