पिण्डेश्वर मन्दिर जाने प्रवेशमै गेट निर्माण

धरान/ धरानको धार्मिक पर्यटकीय क्षेत्र विजयपुरमा रहेको पिण्डेश्वर मन्दिरमा आउने भक्तजनकाे सहजताका लागि प्रवेशद्वार निर्माण गरिएको छ ।

धरान उपमहानगरपालिका ३ नं. वडा समितिले नगरपालिका, वडा र स्थानीय उपभोक्ताबाट उठाएको रकमबाट प्रवेशद्वार निर्माण गरिएको हो ।

धरान ३ र १४ विजयपुरको पिण्डेश्वर जाने मुख्य द्वारामा गेट निर्माण गरिएको हौ ।

निर्माण सम्पन्न भएको उक्त प्रवेशद्वारको उद्घाटन पिण्डेश्वर बाबाधाम समितिका पूर्व अध्यक्ष एवम् समाजसेवी कृष्णप्रसाद श्रेष्ठले गरेका थिए ।

३ नं. वडा समितिका अध्यक्ष विद्या शाक्यका अनुसार ०७९ को सञ्चिती रकम २ लाख, धरान उपमहानगरपालिकाको १ लाख ५० हजार लाख, स्थानीय समाजसेवी कृष्णप्रसाद श्रेष्ठबाट ५० लाख र उपभोक्ताबाट संकलन गरेर २१ लाख लागतमा उक्त गेट निर्माण गरिएको हो ।

धरानभन्दा बाहिरका धार्मिक पर्यटक आउँदा पिण्डेश्वर मन्दिर जाने बाटो थाहा नपाउँदा भौतारिने तथा मन्दिर प्रवेश गर्नु भन्दा अगाडि राखिएकौ प्रवेशद्वारले आकर्षण थप्ने भएकोले निर्माण गरिएकौ वडाध्यक्ष विद्या शाक्यले बताए ।