इलाम-२ मा एमालेका सुहाङले कटाए ११ हजार मत

इलाम/ इलाम क्षेत्र नम्बर २ को उपनिर्वाचनमा खसेको मत गणना भइरहेको छ। अहिले माङसेबुङ गाउँपालिका वडा नम्बर ६ को गणना सकिएको छ।

नेकपा (एमाले) का उम्मेदवार सुहाङ नेम्वाङ अहिलेसम्म ११ हजार ९ मतसहित अगाडि छन्। उनलाई नेपाली कांग्रेसका उम्मेदवार डम्बरबहादुर खड्काले पछ्याइरहेका छन्।

खड्काले ७२७५ मत ल्याएका छन्। सुहाङ कांग्रेसका खड्काभन्दा ३७३४ मतले अगाडि छन्। स्वतन्त्र उम्मेदवार डकेन्द्र थेगिमले ५८६९ मत ल्याएका छन् भने रास्वपाका उम्मेदवार मिलन लिम्बूले १५०९ मत ल्याएका छन्।  अहिलेसम्म सदर मत २६४३९ छ। २०७९ को चुनावमा एमालेका सुवास नेम्वाङले इलाम २ मा जितेका थिए।