_1693980289.gif "#")
धरान : कवि करुणा राईको काव्यकृति ‘रसिया राग’ शनिबार लोकार्पण गरिएको छ ।
पुस्तक विमोचन कार्यक्रममा बोल्दै अग्रज कवि बम देवानले राईका कवितामा गाउँले जीवनका विविध आयामलाई जीवन्त रूपमा प्रस्तुत गरिएको धारणा राखे । त्यस क्रममा उनले रसिया रागबारे पनि प्रस्ट्याएका थिए । ‘असारको रसिलो मौसममा धान रोपाइँ गर्दा गाइने असारे भाका नै रसिया राग हो’, कार्यक्रमका प्रमुख अतिथिसमेत रहेका कवि देवानले भने, ‘करुणाका कविताहरू रसिया रागजत्तिकै मधूर र रसमय छन् ।’
कार्यक्रममा कवि राईको काव्यकृतिमा भएका कविताबारे कवि मनु मन्जिलले पनि चर्चा गरेका थिए । सर्जक राईका कविताहरू कविताजस्तै भएको उनको भनाइ थियो । सर्जक राईको सङ्क्षिप्त तर आकर्षक ‘भिडियो परिचय’ कार्यक्रमको प्रारम्भमा प्रस्तुत गरिएको थियो । सो भिडियो फोटोग्राफर एवम् भिडियो निर्देशक बिरेन सुब्बाले तयार पारेका थिए ।
साहित्यिक समूह कलरव धरानले आयोजना गरेको सो समारोहमा कालेबुङबाट आएका कवि विशाल नाल्बो, अमेरिकाबाट आइपुगेका धराने कवि सन्तोष थेबे र भिडियो निर्देशक सुब्बाले कृतिभित्रका कविता वाचन गरेका थिए । सुब्बाले निर्देशन गरेका सर्जक राईकै ‘दृश्य–कविता’ हरू पनि कार्यक्रमको बीच–बीचमा प्रस्तुत गरिएका थिए । कार्यक्रममा आप्mनो धारणा राख्ने क्रममा कवि राईले पनि आप्mनो कविता वाचन गरेकी थिइन् । त्यस क्रममा उनले आप्mना केही कविताको रचनागर्भ पनि सुनाएकी थिइन् ।
कार्यक्रम सञ्चालक कवि सुदीप पाख्रिनले कवि राईकी आमाको जन्मदिन पारेर कृति सार्वजनिक गरिएको जानकारी दिएका थिए ।
