पिण्डेश्वर विद्यापीठमा सरस्वती मन्दिरको उद्घाटन

  • माघ १०, २०७९
  • कोशीपत्र/संवाददाता
alt

धरान/प्रदेश १ कै संस्कृत उच्चशिक्षाको केन्द्रका रुपमा रहेको धरान उपमहानगरपालिक वडा नं. १४ को विजयपुरमा अवस्थित श्री पिण्डेश्वर विद्यापीठ परिसरमा नवनिर्मित सरस्वती मन्दिर माघ ९ विहानको शुभमुहूर्तमा वैदिक विधिअनुसार पूजा आराधना र प्राणप्रतिष्ठा गरी समुद्घाटन गरिएको छ ।

विद्यापीठ परिवारको अगुवाइमा धरान नगरपालिका तथा विभिन्न दाता महानुभावहरुको सहयोगमा विद्याकी अधिष्ठात्री देवी सरस्वतीको मन्दिर निर्माण गरी प्राणप्रतिष्ठा गर्ने कार्य सम्पन्न गरिएको हो । गतसाल २०७८ मा सरस्वती पूजाका दिन धरान उपमहानगरका तत्कालीन मेयर श्री तिलक राईद्वारा शिलान्यास गरी निर्माण सुरु गरिएको थियो । यही माघ ९ गतेका दिन पिण्डेश्वर विद्यापीठमा आयोजित प्राणप्रतिष्ठा तथा दाताहरुको सम्मानमा आयोजित कार्यक्रमका बीच धरान उपममहानगरपालिका वडा नं १४ का वडाध्यक्ष श्री कृष्णप्रसाद भट्टराईले मन्दिरको उद्घाटन गरेका थिए ।

उद्घाटनका अवसरमा आयोजित कार्यक्रममा मन्दिर निर्माणमा सहयोग गर्नुहुने दाता महानुभावहरुलाई सम्मान पत्र प्रदान गरी सम्मानित गरिएको थियो । मन्दिर निर्माणमा धरान उपमहानगरपालिका, धरान उपमहानगरपालिका १४ नं.वडा कार्यालय, प्रा.डा. टंकप्रसाद न्यौपाने, रम्भादेवी कर्माचार्य, सरला कायस्थ, पितरुमल अग्रवाल, प्रा.नारायणदत्त पौडेल, विद्यापीठका पूर्वविद्यार्थीहरु लगायत विभिन्न संघसंस्था, व्यवसायी र समाजसेवी महानुभावहरुको सहयोग रहेको थियो । मन्दिरमा राखिएको सरस्वतीको मूर्ति विद्यापीठका पूर्वविद्यार्थी फणीन्द्र तिम्सिनाले तथा गणेशको मूर्ति देवेन्द्र पौडेलले एवम् हनुमानको मूर्ति गजानन्द दीक्षितले सहयोग स्वरुप उपलब्ध गराएका थिए । विभिन्न दाताहरुले मन्दिरको गजूर, कलात्मक ढोका, घण्ट, पूजाका सामग्री आदि पनि सहयोग गरेका थिए ।

2 2

उद्घाटनका अवसरमा आयोजित कार्यक्रममा नेपाल संस्कृत विश्वविद्यालयका शिक्षाध्यक्ष प्रा.डा. भीमप्रसाद खतिवडाको उपस्थिति रहेको थियो । कार्यक्रममा शुभकामना मन्तव्य व्यक्त गर्दै खतिवडाले विद्यापीठको भैतिक र शैक्षिक उन्नयनमा आफ्नो सदैव सहयोग रहने बताउँदै दातको सहयोगमा मन्दिरको निर्माण सम्पन्न भएकोमा प्रसन्नता व्यक्त गरे । कार्यक्रमका प्रमुख अतिथि वडा नं.१४ का वडाध्यक्ष श्री कृष्णप्रसाद भट्टराईले विद्यापीठको चौतर्फी विकासमा वडा कार्यालयको सदैव सहयोग गर्ने प्रतिबद्धता जाहेर गरे । ने.सं.वि. योजना महाशाखा प्रमुख श्री सुरजकुमार लामाले विद्यापीठको भौतिक तथा शैक्षिक उन्नयनमा सहयोग रहने बताउँदै शुभकामना दिए । कार्यक्रमको सभापतित्व विद्यापीठका प्रचार्य काशीनाथ पौडेलले गरेका थिए भने भेषबहादुर निरौलाले स्वागत मन्तव्य व्यक्त गर्दै अतिथिहरुलाई स्वागत गरेका थिए । कार्यक्रमको सञ्चालन सहप्रा.डा. गुरुप्रसाद कोइरालाले गरेका थिए ।

एम्समा सांस्कृतिक का ...

धरान/धरानस्थित एम्स एकेडेमीमा पाँचौँ ‘एम्स कल्चरल ...

किसान कृषि यान्त्रि ...

खोटाङ / (रासस) प्रधानमन्त्री कृषि आधुनिकीकरण परियो ...

मेयर कोइराला र अमेरि ...

मोरङ / नेपालका लागि अमेरिकाका राजदूत डिन आर थोम्सनले वि ...

सामुदायिक विद्यालय ...

धरान–१६ मा ४९ वर्षअघि स्थापना भएको पञ्चायत आधारभू ...

सम्पर्क

कोशी मिडिया ग्रुप प्रालीद्धारा सञ्चालित

सुनसरी, धरान, नेपाल
पोष्ट बक्स नंः N/A

टेलिफोन

कार्यालय: ०२५-५३१४७७
विज्ञापन: ९८५-२०४७१२३

ई–मेल

[email protected]
[email protected]
[email protected]

फेसबुकमा हामी

सोसल मिडिया

कम्पनी दर्ता नम्बर: २१४८६२/७५/७६ / पान नम्बर: ६०९५३२३८८ / सुचना तथा प्रसारण विभाग: २७-२०७३/०००

अध्यक्ष: शंकरप्रसाद घिमिरे / प्रधान सम्पादक: राजेश बिद्रोही / कार्यकारी सम्पादक: गोबिन्द बस्नेत / प्रबन्ध निर्देशक: योगेशबाबु काफ्ले

Copyright © 2019 / 2023 - Koshipatra.com All rights reserved