तेह्रथुम / ईलाका प्रहरी कार्यालय आठराई तेह्रथुमको नव निर्मित कार्यालय भवनको उद्घाटन गरिएको छ । भवनको १ नम्बर प्रदेश प्रहरी प्रमुख प्रहरी नायव महानिरीक्षक सुदिप गिरीले मंगलबार बिधिवत रुपमा समुद्घाटन गरेका हुन् ।
भवन उदघाटनपछि बोल्दै प्रदेश प्रमुख प्रहरी गिरीले २४ सै घण्टा ड्युटीमा रहनु पर्ने प्रहरी कर्मचारीहरुलाई भौतिक सुबिधा सम्पन्न यस्ता भवनले थप मनोवल बढ्ने बताए । उनले भवन निर्माणले कार्यक्षेत्रमा समेत प्रहरीलाई सहज हुने बताए । उनले प्रहरीलाई भवन प्राप्त भएसंगै नागरिकहरुको जिउधनको सुरक्षामा खटिन मातहतका प्रहरीहरुलाई निर्देशन समेत दिए ।
नवनिर्मित भवन १ नम्बर प्रदेश सरकार, आन्तरिक मामिला तथा कानून मन्त्रालयबाट बिनियोजित रकमबाट निर्माण भएको हो । २ करोड ६९ लाख ५ सय ४५ रुपैयाँको लागतमा निर्माण सम्पन भएको जनाइएको छ ।