विराटनगर । मोरङ ४ (ख) प्रदेशसभा सदस्यका एमाले उम्मेदवार जीवन घिमिरेले निर्वाचन क्षेत्रमा चुनावी अभियान तीव्र बनाएका छन् ।
विराटनगरका १, २, ३, ८, १०, कटहरीका १, २ र ३ मा घरदैलो, टोलभेला तथा मतदाता भेटघाटलाई तीव्र पारेका हुन् ।
एमाले उम्मेदवार घिमिरे मतदाताका घर–घरमा पुग्दा छुट्टै उत्साह दिने गरेका छन् । प्रदेश सरकार सामाजिक विकासमन्त्री भएका बेला घिमिरेले गरेको कामबाट मतदाता प्रभावित भएका बताउने गरेका छन् । मतदाताको घरदैलोमा घिमिरे पुग्दा‘ तपाईँबाट ठूलो आशा गरेका छौं’ भन्ने गरेका छन् । एउटा जनप्रतिनिधिले कतिसम्म काम गर्ने सक्दो रहेछ भनेर तपाईँबाट थाहा भयो विराटनगर ८ का मनोज महतोले बताए ।
विराटनगर–३ मा घिमिरे मतदाताको घर–घरमा पुग्दा छुट्टै उत्साह दिएका थिए । घिमिरेप्रति ज्येष्ठ नागरिकले बढी भरोसा गरेको बताएका छन् । मन्त्री भएका समयमा ज्येष्ठ नागरिकको भवन निर्माण, दिवा केन्द्र सञ्चालनमा सहयोगलगायतका कारण जेष्ठ नागरिकहरु खुशी भएका छन् । घिमिरेले चुनाव जितेमात्रै ज्येष्ठ नागरिकको पक्षमा काम हुने उनीहरुको भनाइ छ ।
एमाले उम्मेदवार घिमिरेले ५ वर्षमा निर्वाचन क्षेत्रको समग्र विकासका लागि उल्लेखनीय काम गरेका छन् । सडक निर्माण, कालेपत्रे, स्तरोन्नती, सामुदायिक भवन निर्माण, ज्येष्ठ नागरिकको भवन निर्माण, प्रविधिमैत्री विद्यालय निर्माण, सामाजिक विकासलगायतका क्षेत्रमा उल्लेखनीय काम गरेका छन् ।
५ वर्षको अवधिमा एमाले प्रदेशसभाका उम्मेदवार घिमिरेले गरेका कामनै अहिले चुनावमा भोट माग्ने आधार बनेको छ ।