धरान/ सुनसरी क्षेत्र नं. १ मा प्रदेशसभातर्फ दुई जना स्वतन्त्र उमेद्वारले उमेद्वारी फिर्ता लिएका छन् । निर्वाचन अधिकृतको कार्यालयका अनुसार प्रतिनिधिसभाका उमेद्वारले उमेद्वारी फिर्ता लिएका छैनन् ।
निर्वाचन कार्यालयलृ बुधबार विहान १० बजेदेखि १ बजेसम्म उमेद्वारी फिर्ता लिने समय तोकेको थियो ।
सोही अनुरुप प्रदेश १ (१) तर्फ पासाङ डोल्मा गुरुङ र प्रदेशसभा १ (२) तर्फ मा कमलबहादुर कटवालले मनोनय फिर्ता लिएको निर्वाचन अधिकृत रुद्र अर्यालले बताए ।
प्रदेश र प्रतिनिधिसभा गरी सुनसरी क्षेत्र नं. १ मा ४९ जनाले उमेद्वारी दिएका थिए । दुई जनाले फिर्ता लिएसँगै निर्वाचित अधिकतृकले ४७ जनाको नाम सार्वजनिक गरेको छ । प्रतिनिधिसभातर्फ ११ स्वतन्त्र र ९ राजनीतिक दलसहित २० जना उम्मेद्वार छन् भने अब प्रदेशसभा (१) मा ७ जना राजनीतिक दल र ७ जना स्वतन्त्र गरि १४ जना उम्मेद्वार हुनेछन् । यस्तै, प्रदेशसभा (२)तर्फ ६ जना राजनीतिक दल र ७ जना स्वतन्त्र गरि १३ जना उम्मेद्वार हुनेछन् ।