धरान । प्रतिनिधिसभा सदस्यका लागि प्रदेश १ का दरिला उमेद्वारका रुपमा मानिएका कुमार कार्कीलाई घण्टाघर चुनावचिन्ह प्रदान गरिएको छ । सुकुम्बासी समस्या समाधानका लागि लड्दै गएका कार्कीलाई धरानस्थित निर्वाचन अधिकतृको कार्यालयले घण्टाघर चुनावचिन्ह प्रदान गरेको हो ।
धरानको पहिचान बोकेको घण्टाघर चुनावचिन्हले कार्कीलाई जितको सुनिश्चितातर्फ लगेको उमेद्वार कार्कीले बताए । उनले भने–‘सुनसरी क्षेत्र नं. १ मा धरानको घण्टाघर नसुन्ने र नघुम्ने प्राय कमै होलान्, सबैलाई घण्टाघर धरानमा कहाँ छ भन्ने कुरामा जोकोहीलाई थाहा छ, यसले मलाई धेरै सहज बनाएको छ ।’
यस्तै प्रदेश नं. १ का अर्का शसक्त उमेद्वार मनोजकुमार मेन्याङ्वोले खरायो चुनाव चिन्ह पाएका छन् । नेकपा एमालेले जसपासँग गठजोड गरेर जसपाका नेता अशोक राईलाई उमेद्वार बनाएपछि असन्तुष्ट जनाउदै बागी उमेद्वार दिएका मेन्याङ्बोले खरायो चिन्ह चुनाव चिन्ह पाएकोमा खुशी व्यक्त गरे । उनले भने–‘म धरानमा नया पनि होइन, आधुनिक धरानको निर्माणमा मेरो भूमिका रहेको छ, अब फेरि म धरानको विकासमा खरायोजस्तै दौडिने छु ।’