_1693980289.gif "#")
धरान । मोरङको रंगेली नगरपालिकामा छाडा चौपायाका कारण दुर्घटनाको जोखिम बढ्दै गएको छ । दुर्घटनाको जोमिख बढेपछि छाडा चौपाया नछोड्न नगरपालिकाले सार्वजनिक सूचना नै प्रकाशित गरे पनि समाधान हुन सकेको छैन ।
नगरपालिकाले छाडा चौपाया तथा सडक पेटी अतिक्रमण रोक्ने सम्बन्धि सूचना निकालेको दुई महिना वितिसकेको छ । ७ दिनभित्रमा आफ्ना चौपायाहरुलाई व्यवस्थित गर्न नगरपालिकाले सूचना प्रकाशित गरे पनि सूचनाको वेवास्त गरेको पाइएको छ । तर पनि नगरपालिका चुप लागेर बसेको छ, चौपाया छाड्नेलाई कारबाही गर्न सकेको छैन ।
नगरपालिकाले गत साउन ५ गते सडक तथा सार्वजनिक स्थलमा छाडा चौपाया नछाड्न सुचना प्रकाशित गरेको थियोे । विशेष गरी नगरपालिकाको धर्मशाला टोल, नेपाली टोल र मुख्य बजारमा बस्ने सर्वसाधारणहरुले छाडा चौपाया छाड्ने गरेको बताइएको छ ।
छाडिएका चौपाया हुलाकी सडक नै जाम गर्ने गरेका छन् । चौपायाकै कारण सवारीसाधन आवतजावतमा समस्या हुने गरेको चालकहरु बताउछन् । उनीहरुले चौपायाकै कारण सावधानीपूर्वक सवारी साधन चलाउनुपर्ने बाध्यता रहेको बताउदै आएका छन् । चौपायाले नगरपालिकाले नगरलाई हरियाली बनाउने उद्घेश्यले सिमाक्षेत्रदेखि मुख्य बजार हुदै बक्राह खोलासम्म सडकको दायाँबायाँ बृक्षारोपण गरेर तारको घेराबेरा लगाएको छ । चौपायालाई घेराबाराले समेत रोक्न सकेको छैन । रोपिएका विरुवाहरु खाइदिएर नष्ट गर्ने गरेको छ । छाडा छोडिएका चौपायाले किसानहरु समेत आजित भएका छन् । उनीहरुले लगाएको बालीनाली समेत नष्ट गरिदिने गरेको छ ।
रंगेली नगरपालिकाका प्रमुख दिलिपकुमार अग्रवालले भने सूचना प्रकाशित गर्दा पनि अटेर गरेर चौपाया छाड्न नछोडेकोले चाँडै नै यसमा कडा कदम चाल्ने बताएका छन् ।
